scorecardresearch

Premium

Lionel Messi: चीनने स्टार फुटबॉलपटू लिओनेल मेस्सीला तब्बल अर्धा तास ठेवले ताटकळत, नेमके काय आहे कारण? जाणून घ्या

Lionel Messi Detained at Beijing Airport: मीडिया रिपोर्ट्सनुसार, फुटबॉलपटू लिओनेल मेस्सीला बीजिंग विमानतळावर ताब्यात घेण्यात आल्याचे वृत्त आहे. वास्तविक, स्टार फुटबॉलपटूच्या व्हिसामध्ये काही अडचणींमुळे त्याला ताब्यात घेण्यात आले.

Lionel Messi detained at Beijing airport the reason behind was he had two passport one of it was without visa stamp video viral
लिओनेल मेस्सीला बीजिंग विमानतळावर ताब्यात घेण्यात आले. सौजन्य- (ट्वीटर)

Lionel Messi Detained at Beijing Airport: फुटबॉल सुपरस्टार लिओनेल मेस्सीला चीनच्या पोलिसांनी बीजिंग विमानतळावर ताब्यात घेतले आहे. वृत्तानुसार, मेस्सीला त्याच्या व्हिसामध्ये काही समस्या असल्याने त्याला ताब्यात घेण्यात आले आहे. मात्र, सुमारे ३० मिनिटांनंतर प्रकरण मिटले आणि मेस्सी बाहेर पडला. या घटनेचा व्हिडिओ सोशल मीडियावर मोठ्या प्रमाणात व्हायरल होत आहे. व्हिडिओमध्ये मेस्सीला पोलिसांनी घेरलेले दिसत आहे.

अर्जेंटिनाचा फुटबॉल स्टार लिओनेल मेस्सीचा एक व्हिडिओ सोशल मीडियावर व्हायरल होत आहे. मीडिया रिपोर्ट्सनुसार, लिओनेल मेस्सीला चीनमधील बीजिंग विमानतळावर पोलिसांनी ताब्यात घेतले. व्हिडिओमध्ये मेस्सीला चिनी पोलिसांनी घेरलेले दिसत आहे. वास्तविक, अर्जेंटिना गुरुवारी (१५ जून) बीजिंगमधील वर्कर्स स्टेडियमवर आंतरराष्ट्रीय मैत्रीपूर्ण सामन्यात ऑस्ट्रेलियाशी भिडणार आहे. सध्याचा फिफा विश्वचषक विजेता अर्जेंटिना आपल्या कामगिरीने चीनमधील चाहत्यांचे प्रेम मिळवण्याचा प्रयत्न करेल.

KL Rahul IPL 2024 Shoot Video Viral
VIDEO : ‘हे कोण लिहितंय…’, आयपीएल शूटमध्ये केएल राहुलचा संयम सुटला, स्क्रिप्टवरुन कर्मचाऱ्यावर संतापला
nagpur airport gold smuggling marathi news, gold smuggling nagpur airport marathi news
पँट, बनियानमध्ये लपवून सोन्याची तस्करी; नागपूर विमानतळावर शारजाहून आलेल्या प्रवाशाला अटक
model wearing caged rat high heel on street
फॅशन म्हणून चक्क पायात घातला उंदराचा पिंजरा! पाहा हा Video पाहून तुम्ही चक्रावून जाल
Iran
अमेरिकेचे इराणला जोरदार प्रत्युत्तर, इराक-सीरियाला केले लक्ष्य; हवाई हल्ल्यात १८ दहशतवादी ठार!

हेही वाचा: Sunil Chhetri: अंतिम फेरीत पोहोचण्याच्या आनंदात सुनील छेत्रीने दिली live सामन्यात अनोख्या पद्धतीने गुडन्यूज; पाहा Video

या सामन्यापूर्वी समोर आलेल्या या व्हिडिओने सर्वांनाच आश्चर्याचा धक्का दिला आहे. ही घटना १० जूनची आहे, ज्याचा व्हिडिओ सोशल मीडियावर व्हायरल होत आहे. मात्र, चिनी पोलिसांनी कर्णधार लिओनेल मेस्सीला ताब्यात घेतल्याने अर्जेंटिनाच्या मैत्रीपूर्ण तयारीला थोडासा फटका बसल्याचे दिसते. ३५ वर्षीय लिओनेल मेस्सी याला बीजिंगमध्ये आल्यावर पोलिसांनी विमानतळावर ताब्यात घेतले.

या संपूर्ण प्रकरणाचे कारण काय होते?

मेस्सीच्या पासपोर्टमुळे हा प्रकार घडल्याचे सांगण्यात येत आहे. मीडिया रिपोर्ट्सनुसार, लिओनेल मेस्सीकडे अर्जेंटिना आणि स्पॅनिश दोन्ही पासपोर्ट आहेत. पण मेस्सी अर्जेंटिनाच्या ऐवजी स्पॅनिश पासपोर्टवर प्रवास करत होता आणि त्याच्या स्पॅनिश पासपोर्टवर चीनचा व्हिसा नव्हता. त्यामुळे चीनच्या सीमा पोलिसांनी मेस्सीला विमानतळावर रोखले.

हेही वाचा: WTC 2023 Final: कोहलीच्या कर्णधारपदावरील वादावर सौरव गांगुलीने सोडले मौन; म्हणाला, “विराटनेच ठरवलं होतं…”

चिनी चाहते मेस्सीची वाट पाहत उभे होते

मीडिया रिपोर्ट्सनुसार, अर्जेंटिनाच्या पासपोर्टऐवजी स्पेनचा पासपोर्ट आणल्यामुळे मेस्सीला काही काळ विमानतळावर थांबावे लागले. सुमारे अर्ध्या तासानंतर समस्या दूर झाली. एंट्री व्हिसा दिल्यानंतर मेस्सीला विमानतळावरून बाहेर पडता आले. माहितीसाठी की स्पेनच्या पासपोर्टवर चीनमध्ये व्हिसा मुक्त प्रवेश नाही. मात्र, तो व्हिसाशिवाय तैवानमध्ये प्रवेश करू शकतो. लिओनेल मेस्सीने कथितरित्या विचार केला की तैवान हा चीनचा भाग आहे, म्हणूनच त्याने व्हिसासाठी अर्ज केला नाही.

मीडिया रिपोर्ट्सनुसार, सुरुवातीला लिओनेल मेस्सी आणि चिनी विमानतळावर उपस्थित गार्ड यांच्यात भाषेचा मुद्दा होता, जो लवकरच सोडवण्यात आला. लिओनेल मेस्सीचे चीनमध्ये प्रचंड चाहते आहेत. विमानतळावरून बाहेर पडताना मेस्सीचे त्याच्या चाहत्यांनी जोरदार स्वागत केले. विमानतळावर आणि लिओनेल मेस्सी ज्या हॉटेलमध्ये थांबला होता तेथे शेकडो चाहते त्याची वाट पाहत होते. मेस्सीचा हा सातवा चीन दौरा आहे.

Latest Comment
View All Comments
Post Comment

मराठीतील सर्व क्रीडा, वर्ल्डकप २०२३ बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Football superstar lionel messi detained know what is the reason video going viral avw

First published on: 13-06-2023 at 14:40 IST

संबंधित बातम्या

तुम्ही या बातम्या वाचल्या आहेत का? ×