भारतीय संघ सध्या ऑस्ट्रेलिया दौऱ्यावर आहे. या दौऱ्यावरील टी२० मालिका १-१ अशी बरोबरीत सुटली. आता ६ डिसेंबरपासून चार सामन्यांच्या कसोटी मालिकेला सुरुवात होणार आहे. या दोनही मालिकांसाठी भारताचा माजी कर्णधार महेंद्रसिंग धोनी याचा संघात समावेश नसल्याने तो विविध क्रीडाप्रकार खेळताना दिसत आहे. PHOTOS: Away from cricket, MS Dhoni enjoys tennis, football pic.twitter.com/4ZLqn78zIC — Express Sports (@IExpressSports) November 28, 2015 महेंद्रसिंग धोनी सध्या आपल्या कुटुंबियांना वेळ देत आहे. त्याने आपल्या इन्स्टाग्राम अकाऊंटवरून मुलीबरोबरचे आनंदाचे क्षणही शेअर केले आहेत. त्याचबरोबर तो विविध खेळ खेळण्याची आपली हौसही पूर्ण करताना दिसत आहे. काही दिवसांपूर्वी धोनी कबड्डीच्या मैदानात उतरला होता. आता त्याने टेनिसचे मैदान गाजवले आहे. झारखंडमधील कंट्री क्रिकेट क्लबने एका टेनिस स्पर्धेचे आयोजन केले होते. या स्पर्धेत धोनी पुरुष दुहेरी विभागात टेनिस खेळायला उतरला. यावेळी धोनीला त्याचा मित्र सुमितने साथ दिली. धोनी आणि सुमित यांचा सामना ब्रजेश आणि पवन यांच्याबरोबर झाला. या सामन्यात धोनी आणि सुमित यांनी प्रतिस्पर्ध्यांवर ६-१, ६-१ असा विजय मिळवला आणि टेनिस कोर्टही गाजवले.
