…तोपर्यंत क्रिकेटमधून निवृत्ती स्विकारणार नाही – गौतम गंभीर

“जोपर्यंत मी चांगला खेळतो आहे, धावा काढतो आहे तोपर्यंत मी नक्कीच निवृत्ती स्विकारणार नाही. प्रत्येक सामन्यात धावा काढल्यानंतर तुम्ही संघाच्या विजयात मोलाचा वाटा उचलता तो आनंद काही औरच असतो. जोपर्यंत माझ्यात ही आवड कायम आहे, तोपर्यंत मी निवृत्ती नक्कीच स्विकारणार नाहीये.” गौतम गंभीर सध्या स्थानिक क्रिकेटमध्ये दिल्लीच्या संघाकडून खेळतो आहे.

विजय हजारे चषक स्पर्धेत हरयाणाविरुद्धच्या सामन्यात गौतमच्या खेळीमुळे दिल्लीच्या संघाने विजय संपादन केला होता. भारताकडून गौतम गंभीरने ५८ कसोटी सामन्यांमध्ये ४१५४ धावा काढल्या आहेत, तर वन-डे क्रिकेटमध्येही गौतमचा अनुभव मोठा आहे. १४७ वन-डे सामन्यांमध्ये गौतमच्या नावावर ५२३८ धावा जमा आहेत. तर टी-२० क्रिकेटमध्ये गौतमने ३७ सामन्यांत ९३२ धावा काढल्या आहेत.