महिला हॉकी विश्वचषक – भारतीय संघाचं नेतृत्व राणी रामपालकडे

२१ जुलैपासून लंडनमध्ये होणाऱ्या महिला हॉकी विश्वचषकासाठी आज भारतीय संघाची घोषणा करण्यात आलेली आहे. हॉकी इंडियाने या महत्वाच्या स्पर्धेसाठी पुन्हा एकदा अनुभवी खेळाडू राणी रामपालकडे भारतीय संघाचं नेतृत्व सोपवलं आहे. २१ जुलै ते ५ ऑगस्टदरम्यान हा विश्वचषक रंगणार आहे. या स्पर्धेत भारताचा समावेश ब गटात करण्यात आलेला असून, भारतासोबत इंग्लंड, अमेरिका, आयर्लंड हे संघही सहभागी आहेत.