पाकिस्तान वर्ल्डकपमधून बाहेर! चौथ्या स्थानासाठी 'या' संघांमध्ये रस्सीखेच, कोणाला मिळणार तिकीट?

Women's World Cup 2025 Semi Final Scenario: आयसीसी महिला वनडे वर्ल्डकप २०२५ स्पर्धेतील सेमीफायनलमध्ये जाण्यासाठी ३ संघांमध्ये रस्सीखेच सुरू आहे. कोणाला तिकीट मिळणार? जाणून घ्या.

womens world cup 2025 (फोटो- एक्स)

Womens World Cup Semifinal Scenario: आयसीसी महिला वनडे वर्ल्डकप २०२५ स्पर्धेत मंगळवारी झालेल्या सामन्यात पाकिस्तान आणि दक्षिण आफ्रिका हे दोन्ही संघ आमनेसामने आले होते. या सामन्यात दक्षिण आफ्रिकेने पाकिस्तानवर डकवर्थ लुईस नियमानुसार १५० धावांनी दमदार विजय मिळवला आहे. या विजयासह दक्षिण आफ्रिकेचा संघ गुणतालिकेत आणखी मजबूत स्थितीत पोहोचला आहे. तर पाकिस्तानचा संघ वर्ल्डकप स्पर्धेतून अधिकृतरित्या बाहेर पडला आहे. दरम्यान इतर संघांसाठी कसं आहे समीकरण? जाणून घ्या.

भारतीय संघासाठी कसं आहे समीकरण?

भारतीय संघाने ५ पैकी २ सामन्यांमध्ये विजय मिळवला आहे. भारताने ३ सामने गमावले आहेत. त्यामुळे भारतीय संघ गुणतालिकेत चौथ्या स्थानी आहे. भारतीय संघाला जर सरळ सेमीफायनलमध्ये प्रवेश करायचा असेल तर उर्वरीत दोन्ही सामने जिंकावे लागणार आहेत. हे पुढील सामने न्यूझीलंड आणि बांगलादेशविरुद्ध होणार आहेत. दरम्यान एकही सामना गमावला, तर भारताला इतर संघांच्या निकालावर अवलंबून राहावं लागेल.

हेही वाचा

बुद्धिबळ जगतावर शोककळा, २९व्या वर्षीय खेळाडूचं आकस्किम निधन; ग्रँडमास्टर व्लादिमीर यांना मृत्यूचा कट रचल्याचा संशय

न्यूझीलंड संघासाठी समीकरण

न्यूझीलंडने या स्पर्धेतील ५ पैकी १ सामना जिंकला आहे, तर २ सामन्यांमध्ये पराभवाचा सामना करावा लागला आहे. तर २ सामने अनिर्णित राहिले आहेत. ४ गुणांसह हा संघ गुणतालिकेत पाचव्या स्थानी आहे. न्यूझीलंडचे पुढील २ सामने भारत आणि इंग्लंडविरुद्ध होणार आहेत. हे दोन्ही सामने जर न्यूझीलंडने जिंकले तर, तर न्यूझीलंडचा संघ सेमीफायनलमध्ये प्रवेश करू शकतो. पण जर एकही सामना गमावला तर, उर्वरित संघांच्या निकालावर अवलंबून राहावं लागेल.

हेही वाचा

Ricky Ponting: रोहित, विराटसाठी ऑस्ट्रेलिया दौरा महत्त्वाचा; दोन्ही खेळाडूंच्या भवितव्याबाबत रिकी पॉन्टिंग यांचे वक्तव्य

श्रीलंकेसाठी समीकरण

श्रीलंकेने आतापर्यंत ६ सामन्यांपैकी १ सामना जिंकला आहे तर, ३ सामने गमावले आहेत आणि २ सामने अनिर्णित राहिले आहेत. हा संघ ४ गुणांसह गुणतालिकेत सहाव्या स्थानी आहे. श्रीलंकेचा एकमेव शिल्लक सामना हा पाकिस्तानविरुद्ध होणार आहे. जर श्रीलंकेला सेमीफायनलमध्ये प्रवेश करायचा असेल, तर पाकिस्तानविरुद्ध मोठ्या फरकाने विजय मिळवणं गरजेचं असणार आहे.

हेही वाचा

मेक्सिको, कोस्टारिका, जमैकाला अमेरिकेची साथ; महिला विश्वचषक फुटबॉल स्पर्धेसाठी सह-यजमानपदाचा दावा

Women’s World Cup 2025: पाकिस्तान वर्ल्डकपमधून बाहेर! चौथ्या स्थानासाठी ‘या’ संघांमध्ये रस्सीखेच, कोणाला मिळणार तिकीट?