IND vs ENG 3rd Test : टीम इंडियासाठी आनंदाची बातमी! रविचंद्रन अश्विन आज पुन्हा भारतीय संघात सामील होणार

बीसीसीआयने सांगितले की, अश्विन आणि संघ व्यवस्थापन या दोघांनीही पुष्टी केली आहे की तो चौथ्या दिवसापासून खेळात परतेल. तसेच चालू असलेल्या कसोटी सामन्यात संघासाठी योगदान देत राहील. संघ व्यवस्थापन, खेळाडू, मीडिया आणि चाहत्यांनी खूप समजूतदारपणा आणि सहानुभूती दाखवली आहे आणि कुटुंबाच्या गोपनीयतेचा आणि महत्त्वाचा आदर केला आहे. या आव्हानात्मक काळात संघ आणि त्यांचे चाहते अश्विनच्या पाठीशी उभे राहिले. आता मैदानावर त्याचे पुनरागमन होणार असल्याने सर्वांना आनंद होत आहे. बीसीसीआयने असेही म्हटले आहे की अश्विन आणि त्याच्या कुटुंबाने गोपनीयतेची विनंती केली. आहे. कारण ते या आव्हानात्मक काळातून जात आहेत.

हेही वाचा – IND vs ENG 3rd Test : शुबमन गिल शतकाच्या उंबरठ्यावर रनआऊट, अवघ्या ‘इतक्या’ धावांनी हुकले शतक

अश्विन शुक्रवारी घरी परतला होता –

कौटुंबिक कारणामुळे अश्विनने शुक्रवारी तिसऱ्या कसोटीतून माघार घेण्याचा निर्णय घेतला होता. त्याच्या काही तासांपूर्वीच तो अनिल कुंबळेनंतर ५०० कसोटी बळी घेणारा दुसरा भारतीय गोलंदाज ठरला होता. बीसीसीआयचे उपाध्यक्ष राजीव शुक्ला यांनी शनिवारी या घटनेची माहिती दिली होती. त्यांनी अश्विनची आई आजारी असल्याचे सांगितले होते.