IND vs WI 1st T20 Live News in Marathi, 29 July 2022 : भारत आणि वेस्ट इंडीज दरम्यान पाच सामन्यांची टी २० मालिका आजपासून (२९ जुलै) सुरू झाली आहे. या मालिकेतील पहिला सामना तारौबा येथील ब्रायन लारा क्रिकेट स्टेडियममध्ये खेळवला गेला. या सामन्यात भारताने वेस्ट इंडीजचा ६८ धावांनी पराभव केला. वेस्ट इंडीजचा कर्णधार निकोलस पूरनने नाणेफेक जिंकून प्रथम गोलंदाजी करण्याचा निर्णय घेतला होता. प्रथम फलंदाजी करणाऱ्या भारतीय संघाने निर्धारित २० षटकांमध्ये सहा बाद १९० धावा केल्या. कर्णधार रोहित शर्माचे शानदार अर्धशतक आणि दिनेश कार्तिकच्या फटकेबाजीमुळे भारताला १९० धावांपर्यंत मजल मारता आली.