Ind vs Eng : शेवटच्या सत्रात इंग्लंडचं ‘कमबॅक’; दिवसअखेर भारत ६ बाद १७४

कर्णधार कोहली बाद झाल्यानंतर ऋषभ पंत आणि हनुमा विहारी या नवख्या जोडीवर भारताची मदार होती. पण ऋषभ पंतने बाहेर जाणाऱ्या चेंडूवर फटका खेळत स्लिपमध्ये झेल दिला. या बरोबरच भारताचा सहावा गडी माघारी परतला असून पंत ५ धावांवर बाद झाला.

स्थिरावलेला पुजारा आणि लगेच बाद झालेला उपकर्णधार रहाणे यांच्या धक्क्यानंतर विराटने भारताला सावरले. त्याच्या झुंजार खेळीमुळे भारताने १५० टप्पा गाठला, मात्र विराटला अर्धशतकाने हुलकावणी दिली. विराट ४९ धावांवर बाद झाला. बेन स्टोक्सने त्याला तंबूत धाडले.

पदापर्णचा सामना खेळणाऱ्या हनुमा विहरीला शून्यावर असताना पंचांनी बाद ठरवले होते. पण DRSने त्याला नामुष्कीपासून वाचवले. DRSच्या रिव्ह्यूमध्ये त्याला नाबाद ठरवण्यात आले.  तब्बल १९ वर्षांनंतर भारतीय संघात त्याच्या रूपाने एका आंध्र प्रदेशच्या खेळाडूला स्थान मिळाले आहे. त्यामुळे त्याच्याकडून साऱ्यांनाच खूप अपेक्षा आहेत.

चेतेश्वर पुजारा बाद झाल्यानंतर अजिंक्य रहाणे कडून भारताला अपेक्षा होत्या. मात्र त्याला कर्णधार विराट कोहलीला साथ देता नाही. ७ चेंडूत ० धावा करून तो माघारी परतला. अँडरसनने डावातील दुसरा बळी घेण्यात यश मिळवले.

भारतीय संघाला आकार देण्याच्या दृष्टीने खेळपट्टीवर स्थिरावलेला चेतेश्वर पुजारा ३७ धावांवर बाद झाला. अँडरसनने त्याला उत्कृष्ट चेंडू फेकत बाद केले. बाद होण्याआधी बरेच चेंडू बॅटला लावण्याचा पुजारा प्रयत्न करत होता, पण त्याला चेंडू समजत नसल्याचे दिसत होते.

राहुल-पुजारा जोडीने भारताच्या डावाला आकार देत अर्धशतकापर्यंत नेले. पण राहुलची अपयशाची मालिका सुरूच राहिली. चांगला खेळ करत असताना ३७ धावांवर तो माघारी परतला. कुर्रानने त्याला त्रिफळाचित केले.

सलामीवीर शिखर धवन बाद झाल्यानंतर भारतीय फलंदाजांनी सावध पवित्रा स्वीकारला आहे. राहुल आणि पुजारा हे संयमी खेळ करून डावाला आकार देण्याचा प्रयत्न करत आहेत. ८ षटकात भारताने १ बाद ३० ही धावसंख्या गाठली आहे.

इंग्लंडचा पहिला डाव ३३२ धावांवर संपल्यानंतर भारताच्या डावाची सुरुवात अत्यंत खराब झाली. डावखुरा फलंदाज शिखर धवन ३ धावांवर तंबूत परतला आणि भारताला पहिला धक्का बसला. स्टुअर्ट ब्रॉडने टाकलेला चेंडू शिखर धवनला समजला नाही आणि तो पायचीत झाला.

रशीद बाद झाल्यानंतर ब्रॉडच्या साथीने बटलरने इंग्लंडला त्रिशतकी मजल मारून दिली. मात्र उपहारानंतर अखेर भारताने हि जोडी फोडली. रवींद्र जडेजाच्या चेंडूवर ब्रॉड बाद झाला. ब्रॉडने ५९ चेंडूत ३८ धावांची उपयुक्त खेळी केली.

रशीद बाद झाल्यानंतर भारत इंग्लंडचे शेपूट गुंडाळून डाव संपुष्टात आणेल अशी आशा होती. पण मोक्याच्या क्षणी जोस बटलर याने झुंजार अर्धशतक ठोकले. त्यामुळे इंग्लंडच्या शेपटाने पुन्हा एकदा भारतीय गोलंदाजांवर भारी पडल्याचा प्रत्यय आला.

७ बाद १९८ या धावसंख्येवरुन आज इंग्लंडचा डाव पुढे सुरु झाला. काही काळ बटलरला साथ दिल्यानंतर अखेर इंग्लंडला आठवा गडी गमवावा लागला. फिरकीपटू आदिल रशीदचा जसप्रीत बुमराने काटा काढला. रशीदने १५ धावा केल्या.