IND vs IRE Live Score Updates भारत आणि आयर्लंड यांच्यात दोन सामन्यांची टी २० मालिका खेळवली जात आहे. यातील दुसरा सामना आज डबलिनमधील ‘द व्हिलेज स्टेडियम’वर (मालाहाइड) येथे झाला. शेवटच्या चेंडूपर्यंत रंगलेल्या या सामन्यात भारताने ४ धावांनी विजय मिळवला. या विजयासह भारताने मालिकाही आपल्या नावे केली आहे. भारतीय कर्णधार हार्दिक पंड्याने नाणेफेक जिंकून प्रथम फलंदाजी करण्याचा निर्णय घेतला होता. भारतीय संघाने प्रथम फलंदाजी करत यजमानांना २२८ धावांचे आव्हान दिले होते. दीपक हुडाचे धडाकेबाज शतक आणि संजू सॅमसनच्या अर्धशतकाच्या बळावर भारताने २० षटकांमध्ये सात गडी गमावून २२७ धावा केल्या होत्या.
हॅरी टेक्टर ३९ धावा करून बाद झाला. भुवनेश्वर कुमारच्या गोलंदाजीवर दीपक हुडाने त्याचा झेल टीपला. यजमानांना १७ चेंडूंत ३७ धावांची आवश्यकता आहे.
लोर्कन टकर पाच धावा करून बाद झाला. उमरान मलिकच्या चेंडूबर बदली क्षेत्ररक्षक म्हणून आलेल्या युझवेंद्र चहलने त्याचा झेल टिपला.
आयर्लंडचा कर्णधार बलबर्नी अर्धशतक करून बाद झाला. हर्षल पटेलच्या गोलंदाजीवर रवी बिश्नोईने त्याचा झेल टिपला.
आयर्लंडचा कर्णधार बलबर्नीने आपले अर्धशतक पूर्ण केले. त्याने ३४ चेंडूत ५० धावा केल्या.
गॅरेथ डेलानी शून्यावर धावबाद झाला. त्यानंतर हॅरि टॅक्टर मैदानात आला आहे.
आयर्लंडचा पॉल स्टर्लिंग रवी बिश्नोईच्या चेंडूवर त्रिफळाचित झाला. त्याने केवळ १८ चेंडूंमध्ये ४० धावा केल्या.
आयर्लंडच्या डावाला सुरुवात झाली असून त्यांना २२८ धावांच्या लक्ष्याचा पाठलाग करायचा आहे.
कार्तिक पाठोपाठ अक्षर पटेलदेखील शून्यावर बाद झाला. क्रेग यंगच्या गोलंदाजीवर जॉर्ज डॉकरेलने त्याचा झेल टिपला.
भारताचा धडाकेबाज फलंदाज दिनेश कार्तिक शून्यावर बाद झाला. क्रेग यंने त्याला स्वस्तात माघारी धाडले.
भारताचा शतकवीर दीपक हुड्डा १०४ धावांवर बाद झाला. जोशुआ लिटीलच्या चेंडूवर तो बाद झाला. त्यानंतर दिनेश कार्तिक मैदानात आला आहे.
सुर्यकुमार यादव १५ धावा करून माघारी परतला आहे. आता भारतीय संघाचा कर्णधार हार्दिक पंड्या मैदानात उतरला आहे.
भारतीय फलंदाज दीपक हुड्डाने धडाकेबाज शतक पूर्ण केले. आंतरराष्ट्रीय टी २० क्रिकेटमध्ये शतक झळकावणारा तो चौथा भारतीय फलंदाज ठरला आहे. त्याने अवघ्या ५५ चेंडूंमध्ये शतक पूर्ण केले.
दीपक हुड्डा पाठोपाठ सलामीवीर संजू सॅमसननेदेखील अर्धशतक पूर्ण केले. त्याने ३१ चेंडूमध्ये ५० धावा पूर्ण केल्या.
दीपक हुड्डाने शानदार अर्धशतक झळकावले आहे. २७ चेंडूत ५० धावा पूर्ण केल्या.
पावर प्ले अखेरीस भारताने १ बाद ५४ धावांपर्यंत मजल मारली आहे. संजू सॅमसन आणि दीपक हुड्डा भारतीय डावाला आकार देण्याचा प्रयत्न करत आहेत.
भारताचा सलामीवीर ईशान किशन तीन धावा करून बाद झाला. मार्क अडायरच्या चेंडूवर तो बाद झाला.
ईशान किशन आणि संजू सॅमसन भारतीय डावाला सुरुवात करण्यासाठी मैदानात उतरले आहेत.
भारतीय संघ - ईशान किशन, संजू सॅमसन, सूर्यकुमार यादव, दीपक हुड्डा, हार्दिक पंड्या (कर्णधार), दिनेश कार्तिक, अक्षर पटेल, भुवनेश्वर कुमार, उमरान मलिक, हर्षल पटेल, रवी बिश्नोई
आयर्लंड संघ - पॉल स्टर्लिंग, अँड्रयू बालबर्नी (कर्णधार), गॅरेथ डेलानी, हॅरी टेक्टर, लोर्कन टकर (यष्टिरक्षक), जॉर्ज डॉकरेल, अँडी मॅकब्राईन, मार्क अडायर, क्रेग यंग, जोशुआ लिटील, कोनोर ओल्फर्ट
भारतीय कर्णधार हार्दिक पंड्याने नाणेफेक जिंकून यजमानांना प्रथम गोलंदाजीसाठी निमंत्रण दिले आहे.
