Ind vs WI : दुसऱ्या सामन्यावरही पावसाचं सावट? जाणून घ्या काय आहे हवामानाचा अंदाज - Marathi News | India Vs West Indies 2nd Odi Port Of Spain Weather Forecast Today Will Rain Play Spoilsport Again Psd 91

पहिला सामना पावसामुळे झाला होता रद्द

भारत आणि वेस्ट इंडिज यांच्यातला पहिला वन-डे सामना पावसाच्या व्यत्ययामुळे रद्द करण्यात आला. तीन सामन्यांच्या मालिकेतला एक सामना रद्द झाल्याने दोन्ही संघ या मालिकेत बाजी मारण्याच्या दृष्टीकोनातून उतरणार आहेत. पोर्ट ऑफ स्पेनच्या मैदानावर आज दोन्ही संघांमधला दुसरा सामना रंगणार आहे. त्यामुळे आजच्या सामन्यात पाऊस पडणार की नाही असा प्रश्न सर्व क्रिकेटप्रेमींना पडला असेल.

Accuweather या हवामान संस्थेने दिलेल्या अहवालानुसार, आजच्या दिवशी वातावरण काहीस ढगाळ असण्याची शक्यता आहे. मात्र सामन्यादरम्यान पाऊस पडण्याची शक्यता ही अत्यंत कमी आहे. त्यामुळे आज क्रिकेटप्रेमींना पूर्ण सामन्याचा आनंद घेता येईल असं दिसतंय. दरम्यान सकाळी सरावादरम्यान पावसाने हजेरी लावल्यामुळे भारतीय खेळाडूंनी इनडोअर सराव करणं पसंत केलं.

When rain does not play spoilsport – #TeamIndia sweat it out indoors before the 2nd ODI against West Indies #WIvIND pic.twitter.com/8aidzXHmTF
— BCCI (@BCCI) August 10, 2019

याआधी झालेल्या ३ टी-२० सामन्यांच्या मालिकेत भारताने निर्विवाद वर्चस्व गाजवलं होतं. त्यामुळे वन-डे आणि आगामी कसोटी मालिकेत भारतीय संघ कशी कामगिरी करतो हे पाहणं महत्वाचं ठरणार आहे.

First published on: 11-08-2019 at 15:21 IST

TOPICSटीम इंडिया Team India

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: India vs west indies 2nd odi port of spain weather forecast today will rain play spoilsport again psd