भारतीय महिला बॅडमिंटन संघाची विजयी सुरुवात

डावखुरी अश्मिता जागतिक क्रमवारीत ५३व्या स्थानावर आहे. तिने संयम आणि चिकाटीने खेळ करताना राष्ट्रकुल स्पर्धेतील दोन वेळच्या पदकविजेत्या मिशेलला ४२ मिनिटांत २६-२४, २४-२२ असा पराभवाचा धक्का दिला.

याच वर्षी फेब्रुवारी महिन्यात आशियाई सांघिक स्पर्धेत विजेतेपद मिळवणाऱ्या भारतीय संघात अश्मिताचा समावेश होता. सिंधूच्या गैरहजेरीत महिला संघाचे नेतृत्व तिच्याकडेच सोपविण्यात आले आहे.