आयपीएलच्या बाराव्या हंगामात मुंबई इंडियन्स आणि चेन्नई सुपरकिंग्ज हे संघ, आज वानखेडे मैदानावर समोरासमोर येणार आहेत. या सामन्यासाठी दोन्ही संघांचा वानखेडे मैदानावर सराव सुरु आहे. या सामन्याआधी महेंद्रसिंह धोनी, सुरेश रैना, हरभजन सिंह आणि झहीर खान या खेळाडूंनी, वानखेडे मैदानावरच्या कर्मचाऱ्यांसोबत खास फोटोसेशन केलं आहे. चेन्नई सुपरकिंग्जच्या ट्विटर हँडलने, हा खास फोटो शेअर केला आहे. With the sons of soil! #WhistlePodu #Yellove #MIvCSK pic.twitter.com/gAXBBz5sGe— Chennai Super Kings (@ChennaiIPL) April 2, 2019 आयपीएलमध्ये चेन्नई आणि मुंबई या दोन्ही संघांचे सामने नेहमी रंगतदार होत असतात. चेन्नईने बाराव्या हंगामात आतापर्यंतचे सर्व सामने जिंकले असून, मुंबईला केवळ बंगळुरुविरुद्धच्या सामन्यातच विजय मिळवता आलेला आहे. त्यामुळे रोहित शर्माच्या नेतृत्वाखाली खेळणारा मुंबई इंडियन्सचा संघ आजच्या सामन्यात जरुर विजय मिळवण्याचा प्रयत्न करेल यात शंका नाही.
