IPL 2019 : या ३ खेळाडूंच्या बदल्यात शिखर धवनची ‘घर’वापसी?

IPLच्या २०१९मध्ये होणाऱ्या हंगामासाठी भारताचा सलामीवीर शिखर धवन हा दिल्ली डेअरडेव्हील्स संघाकडून खेळणार असल्याची माहिती सूत्रांकडून देण्यात आली आहे. शिखर हा आधी हैदराबाद संघाकडून खेळत होता. पण हैदराबादच्या संघाने शहाबाज नदीम, अभिषेक शर्मा आणि विजय शंकर या तीन खेळाडूंच्या बदल्यात शिखर धवनला दिल्लीच्या संघाकडे हस्तांतरित केले, अशी माहिती मिळत आहे. मात्र या संदर्भात दिल्ली डेअरडेव्हिल्स, सनरायझर्स हैदराबाद किंवा आयपीएल कोणीही अधिकृत ट्विट केलेले नाही.