आयपीएलचा तेरावा हंगाम अवघ्या काही दिवसांवर येऊन ठेपला आहे. १९ सप्टेंबरपासून या स्पर्धेला युएईत सुरुवात होणार आहे. किंग्ज इलेव्हन पंजाब संघाचा संघाचासलामीवीर ख्रिस गेलचा करोना चाचणी अहवाल निगेटीव्ह आला आहे. जमैकाचा धावपटू आणि ऑलिम्पिक पदक विजेता उसेन बोल्टच्या पार्टीत गेलने हजेरी लावली होती. या पार्टीनंतर बोल्टचा करोना अहवाल पॉझिटीव्ह आल्याचं वृत्त होतं. परंतू करोनाने आयपीएलआधी दोनवेळा आपली करोना चाचणी करवून घेतली, ज्याचा अहवाल निगेटीव्ह आला आहे. गेलने आपल्या इन्स्टाग्राम अकाऊंटच्या स्टोरीमध्ये आपण केलेल्या करोना चाचणीची माहिती दिली आहे. २०१९ च्या हंगामात पंजाबकडून खेळत असताना गेलने ३६८ धावा केल्या होत्या. आगामी हंगामातही गेल सहभागी होणार आहे. भारतात करोनामुळे निर्माण झालेली परिस्थिती लक्षात घेता बीसीसीआयने यंदाच्या आयपीएल हंगामाचं आयोजन हे युएईत केलं आहे.
