IPL 2022 : डेव्हिड वॉर्नरनं सनरायझर्स हैदराबादला दिला ‘धक्का’; म्हणाला, “मी आता…”

आयपीएल २०२२ मधून मोठी बातमी आली समोर

ipl 2022 srh cricketer david warner says i will put my name in the auction
डेव्हिड वॉर्नर आणि सनरायझर्स हैदराबाद

आयपीएल २०२२ मधून मोठी बातमी येत आहे. ऑस्ट्रेलियाचा फलंदाज डेव्हिड वॉर्नरने त्याच्या सनरायझर्स हैदराबाद संघाला अलविदा म्हटले आहे. सनरायझर्स हैदराबादने आयपीएल २०२१ मध्ये वॉर्नरला कर्णधारपदावरून हटवले होते. याशिवाय अनेक सामन्यांमध्ये त्याला प्लेइंग-११ मध्येही स्थान मिळाले नाही. संघाने मला सोडल्याचे वॉर्नरने सांगितले. ”आता मी माझे नाव लिलावात देईन”, असे वॉर्नर म्हणाला. आयपीएलच्या पुढील मोसमापासून ८ ऐवजी १० संघ मैदानात उतरणार आहेत. लखनऊ आणि अहमदाबाद हे २ नवीन संघ लीगमध्ये सामील झाले आहेत. ६० ऐवजी ७४ सामने खेळवले जातील.

SEN Radio शी बोलताना डेव्हिड वॉर्नर म्हणाला, ”मी लिलावात माझे नाव देईन. सनरायझर्स हैदराबाद संघ मला कायम ठेवणार नाही, असे अलीकडचे संकेत दिसत आहेत. त्यामुळे मी नव्या सुरुवातीची वाट पाहत आहे.” वॉर्नरच्या नेतृत्वाखाली हैदराबादने २०१६ मध्ये आयपीएलचे विजेतेपदही जिंकले होते. तो ८ हंगाम संघासोबत राहिला. तो टी-२० लीगमध्ये सर्वाधिक धावा करणारा फलंदाजही आहे.

हेही वाचा – धक्कादायक..! पाकिस्तान संघाच्या ३ क्रिकेटपटूंना करोनाची लागण

आयपीएल २०२१च्या दुसऱ्या टप्प्यातील सामने यूएईमध्ये खेळले गेले. मात्र यादरम्यान डेव्हिड वॉर्नरला केवळ २ सामन्यात खेळण्याची संधी मिळाली. ६ सामन्यांत तो संघाबाहेर होता. यावर डेव्हिड वॉर्नर म्हणाला, ”हे माझ्यासाठी कठीण दिवस होते. मला का बाहेर फेकले गेले हे माझ्यासाठी अनाकलनीय असले तरी.” वॉर्नरला टी-२० विश्वचषकातही चांगली सुरुवात करता आलेली नाही.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Ipl 2022 srh cricketer david warner says i will put my name in the auction adn

Next Story
रसिका , सारा , सुधांशु, आदित्य यांची विजयी सलामी
ताज्या बातम्या