IPL 2019 : Playoffs च्या पहिल्या सामन्यात (Qualifier 1) मुंबईने चेन्नईला ६ गडी राखून सहज पराभूत केले. १३२ धावांच्या आव्हानाचा पाठलाग करताना मुंबईच्या सूर्यकुमार यादवने नाबाद अर्धशतकी खेळी केली. या विजयासह मुंबईने पाचव्यांदा स्पर्धेची अंतिम फेरी गाठली. त्यानंतर चेन्नईने शुक्रवारी दिल्लीला पराभूत करून अंतिम सामन्यात प्रवेश मिळवला. आता अंतिम सामन्यात पुन्हा एकदा महेंद्रसिंग धोनी आणि रोहित शर्मा हे दोन कर्णधार आमने सामने येणार आहेत. रोहित शर्माने IPL कारकिर्दीत ४ हजारांहून अधिक म्हणजेच ४८८३ धावा केलेल्या आहेत. पण यंदाच्या हंगामात त्याला फारशी चमक दाखवता आलेली नाही. रोहितने IPL 2019 मध्ये आतापर्यंत १४ सामन्यांत ३० च्या सरासरीने ३९० धावा केल्या. त्यातही केवळ २ अर्धशतकांचा समावेश आहे. रोहितची पत्नी रितिका आणि चिमुकली समायरा या दोघी सामना बघायला आल्या असताना रोहितला चांगली कामगिरी करून दाखवायची होती. पण तितके यश आले नाही. तरीदेखील दुसरे अर्धशतक रोहितने समायरा स्टेडियममध्ये असताना ठोकले. आजच्या सामान्यासाठीही रोहितची चिमुकली समायरा स्टेडियममध्ये हजर असणार आहे. Rewind to 2017 before you Fast Forward to 2019 #OneFamily #CricketMeriJaan #MumbaiIndians #IPLFinal2019 #MIvCSK @ImRo45 pic.twitter.com/OqjxN0Bo0Y — Mumbai Indians (@mipaltan) May 12, 2019 मुंबई इंडियन्सच्या ट्विटर हॅन्डल वरून बेबी समायरा अंतिम सामन्यासाठी तयार असल्याचे ट्विट करण्यात आले आहे. तसेच तिचा एक गोंडस फोटोदेखील ट्विट करण्यात आला आहे. Ready for the final #OneFamily #IPL2019Final #Believe #CricketMeriJaan #MumbaiIndians #MIvCSK @ImRo45 @ritssajdeh pic.twitter.com/k1NFFm9K1Y — Mumbai Indians (@mipaltan) May 12, 2019 IPL 2019 मध्ये वानखेडे मैदानावर म्हणजेच आपल्या घरच्या मैदानावर मुंबईने आपला पहिला सामना खेळण्याआधी मुंबई इंडियन्सने तिच्यासाठी छानशी आणि छोटीशी जर्सी तिच्यासाठी डिजाईन केली होती. या फोटोत मुंबई इंडियन्सच्या चमूतील सगळ्यात मोठ्या फॅनसाठी लहान आकाराची जर्सी असा उल्लेख करण्यात आला होता. हा फोटो रोहितच्या चिमुकली समायरा हिच्या जर्सीचा होता आणि रोहितची पत्नी रितिकाने हिने हा फोटो काढला होता. The smallest sized jersey but the biggest MI fan #CricketMeriJaan #OneFamily #MIvDC @ImRo45 @ritssajdeh pic.twitter.com/eEQo621wLM — Mumbai Indians (@mipaltan) March 24, 2019 दरम्यान, मुंबई आणि चेन्नई यांच्यातील अंतिम सामना रविवारी ७.३० ला सुरु होणार असून या सामन्यासाठी चाहते पूर्णपणे तयार आहेत.
