IPL 2018 – ….म्हणून बॉलिवूडचा किंग खान ती रात्र झोपलाच नाही

मात्र या निर्णायक सामन्याआधी कोलकात्याचा संघमालक आणि बॉलिवूडचा किंग खान शाहरुख हा भलताच अस्वस्थ होता. आपल्या संघाच्या निर्णयाक सामन्याआधी शाहरुख संपूर्ण दिवस जागा होता. सामना जिंकल्यानंतर आपल्या संघातील खेळाडूंचे हसरे चेहरे पाहिल्यानंतर शाहरुख खानने ट्विटरवर आपल्या सर्व खेळाडूंचे आभार मानत, तुमचे आनंदी चेहरे पाहण्यासाठी मी २४ तास जागा होतो असं म्हटलं आहे.

Been awake 24hrs to see these smiles. Thx @DineshKarthik @prasidh43 (well done young man) @robbieuthappa ( v have to exercise 2gether) @lynny50 (wow mate) & @SunilPNarine74 is…Sunil. Very happy cant sleep now!! pic.twitter.com/gdJWwBOG2K

— Shah Rukh Khan (@iamsrk) May 19, 2018

मुंबईविरुद्ध सामन्यात कोलकात्याच्या संघाला मोठ्या फरकाने पराभवाचा सामना करावा लागला होता. मात्र यानंतर कोलकात्याने दमदार पुनरागमन करत, प्ले-ऑफमध्ये आपली जागा निश्चीत केली होती. प्ले-ऑफच्या सामन्यांमध्ये कोलकात्याची गाठ राजस्थान रॉयल्सशी पडणार आहे. या स्पर्धेची अंतिम फेरी गाठायची असल्यास कोलकात्याला राजस्थानवर मात करावी लागणार आहे. या दोन संघांमधील सामन्यात जो संघ पराभूत होईल त्याचं या स्पर्धेतलं आव्हान संपणार आहे. त्यामुळे आपल्या आगामी सामन्यात कोलकात्याचा संघ कशी कामगिरी करतो याकडे सर्वांचं लक्ष असणार आहे.