केएल राहुलच्या फॉर्मबद्दल गेल्या काही दिवसांपासून खूप चर्चा रंगत आहेत. राजस्थानविरुद्ध झालेल्या सामन्यात राहुलने ३२ चेंडूत ३९ धावांची खेळी केली. आश्चर्याची बाब म्हणजे राहुलला त्याचं खातं उघडण्यासाठी ७ चेंडूंचा सामना करावा लागला. सामन्यात राहुलने कमी स्ट्राईक रेटने फलंदाजी केली. परंतु, या इनिंग दरम्यान राहुलने १०३ मीटरचा गगनचुंबी षटकार ठोकला. हा षटकार ठोकल्यानंतर राहुलची पत्नी अभिनेत्री अथिया शेट्टीचा आनंद द्विगुणीत झाला. अथियाने टाळ्यांचा गजर वाजवून आनंद व्यक्त केला. हा व्हिडीओ सोशल मीडियावर तुफान व्हायरल झाला आहे. लखनऊ सुपर जायंट्सची फलंदाजी सुरु असताना युजवेंद्र चहलने ९ व्या षटकातील पाचवा चेंडू फेकला होता. त्या चेंडूवर राहुलने स्लॉग स्वीप मारून १०३ मीटर लांबीचा षटकार ठोकला. हा षटकार पाहून राहुलची पत्नी अथियाला खूपच आनंद झाला. टाळ्यांचा कडकटात करत अथियाने राहुलला चिअर अप केलं. हे सर्व दृष्य कॅमेरात कैद झाले असून व्हिडीओ सोशल मीडियावर प्रचंड व्हायरल झाला आहे. नक्की वाचा - अर्जुन तेंडुलकरने २४ नंबरची जर्सी घालून IPL मध्ये पदार्पण का केलं? सचिन तेंडुलकरशी खास कनेक्शन, जाणून घ्या नेमकं कारण राहुलने त्याच्या इनिंगमध्ये चार चौकार आणि एक षटकार मारला. लखनऊच्या टीमने प्रथम फलंदाजी करून २० षटकात ७ विकेट्स गमावत १५४ धावा केल्या. प्रत्युत्तरात राजस्थान रॉयल्सने २० षटकात ६ गडी गमावून १४४ धावा केल्या. त्यामुळे लखनऊने या सामन्यात १० धावांनी विजय मिळवला. १५५ धावांचा पाठलाग करताना राजस्थानचे सलामीवीर फलंदाज जोस बटलरने ४१ चेंडूत ४० धावा केल्या. तर यशस्वी जैस्वालने ३५ चेंडूत ४४ धावांची खेळी साकारली.
