Delhi Capitals beat Gujarat Titans by 6 wickets : आयपीएलच्या १७व्या हंगामातील ३२वा सामना नरेंद्र मोदी स्टेडियम अहमदाबाद येथे पार पडला. या सामन्यात गुजरात टायटन्स आणि दिल्ली कॅपिटल्स आमनेसामने होते. ज्यामध्ये दिल्ली कॅपिटल्सने गुजरात टायटन्सवर ६ विकेट्सनी एकहाती विजय मिळवला. नाणेफेक गमावून प्रथम फलंदाजी करायला उतरलेला गुजरातचा संघ दिल्लीच्या गोलंदाजांसमोर फलंदाजी करताना हतबल दिसला. ज्यामुळे गुजरात टायटन्सचा संघ १७.३ षटकांत ८९ धावांवर गारद झाला. प्रत्युत्तरात दिल्ली कॅपिटल्सने ८.५ षटकांत ४ बाद ९२ धावा करत विजयावर शिक्कामोर्तब केला. त्याचबरोबर दिल्ली कॅपिटल्सने चेंडूच्या बाबतीत आयपीएलमधील सर्वात मोठा विजय नोंदवला.

लक्ष्याचा पाठलाग करताना दिल्लीची सुरुवात चांगली झाली. पृथ्वी शॉ आणि जॅक फ्रेझर-मॅकगर्क यांच्यात पहिल्या विकेटसाठी २५ धावांची भागीदारी झाली. स्पेन्सर जॉन्सनने संघाला पहिला धक्का दिला. त्यांनी मॅकगर्कची शिकार केली. त्याला दोन चौकार आणि दोन षटकारांच्या मदतीने २० धावा करता आल्या. तर शॉ केवळ सात धावा करू शकला. या सामन्यात अभिषेक पोरेलने १५, शाई होपने १९, ऋषभ पंतने १६ आणि सुमित कुमारने ९ धावा केल्या. पंत आणि सुमित नाबाद राहिले. गुजरातकडून संदीप वारियरने दोन विकेट्स घेतल्या. त्याचबरोबर स्पेन्सर जॉन्सन आणि राशिद खान यांनी प्रत्येकी एक विकेट घेतली.

sunrisers hyderabad
SRH vs LSG: हरली लखनौ, पण आव्हान संपलं मुंबईचं; सनरायझर्सनं अवघ्या पाऊण तासात सामना घातला खिशात!
Sanju Samson breaks MS Dhoni’s record becomes fastest Indian to 200 IPL sixes
DC vs RR : संजू सॅमसनने धोनीचा विक्रम मोडत रचला इतिहास, आयपीएलमध्ये केला ‘हा’ खास पराक्रम
CKS beat PBKS by 28 runs Chennai Super Kings Bowlers Made Team Win
IPL 2024: चेन्नई सुपर किंग्सने १११५ दिवसांनी पंजाबवर मिळवला विजय, सीएसकेच्या गोलंदाजांची कमाल
Rohit Sharma broke Virat Kohli's record
Rohit Sharma : रोहित शर्माने मोडला विराट कोहलीचा विक्रम, दिल्ली कॅपिटल्सविरुद्ध केला ‘हा’ खास पराक्रम
Jake Fraser's Second Fastest Half-Century for Delhi in DC vs MI Match
DC vs MI : जेक फ्रेझरने वादळी अर्धशतक झळकावत रचला इतिहास, दिल्लीसाठी ‘हा’ पराक्रम करणारा ठरला पहिला खेळाडू
Delhi beat Gujarat by 4 runs Shubman Gill reacts to defeat
DC vs GT : दिल्लीविरुद्धच्या पराभवानंतर कर्णधार शुबमन गिल संतापला, ‘या’ खेळाडूला धरले जबाबदार
match prediction ipl 2024 royal challengers bangalore match against sunrisers hyderabad today
IPL 2024 : बंगळूरुसमोर विजयाचे आव्हान; सनरायजर्स हैदराबादशी आज गाठ; हेड, कोहलीकडून अपेक्षा
Shubman Gill Will Play His 100th Ipl Match In Dc vs Gt Match
DC vs GT : शुबमन गिलने केला खास पराक्रम, ‘ही’ कामगिरी करणारा ठरला दुसरा सर्वात तरुण खेळाडू

तत्पूर्वी नाणेफेक गमावून प्रथम फलंदाजी करण्यासाठी आलेला गुजरातचा संघ दिल्लीच्या गोलंदाजांपुढे १७.३ षटकांत ८९ धावांवर गारद झाला. गुजरात टायटन्सच्या डावात ८ फलंदाजांना दुहेरी आकडाही गाठता आला नाही. साई सुदर्शनने १२ आणि राहुल तेवतियाने १० धावांचे योगदान दिले. १५ व्या षटकापर्यंत गुजरात टायटन्सची धावसंख्या ८ गड्यांच्या मोबदल्यात ७८ धावा होती. पण राशिद खान भक्कम भिंतीसारखा क्रीजवर उभा राहिला. मात्र, तो पण ३१ धावा करून पॅव्हेलियनमध्ये परतला. गुजरातच्या डावात षटकार ठोकणारा राशिदद खान हा एकमेव फलंदाज होता. संथ खेळपट्टीवर झुंजत असताना, गुजरात टायटन्सचा डाव १८व्या षटकातच संपुष्टात आला, जेव्हा नूर अहमदला मुकेश कुमारने क्लीन बोल्ड केले.

हेही वाचा – KKR vs RR : ‘जर हे शतक विराटने झळकावले असते तर…’, बटलरच्या शतकावर हरभजन सिंगने सांगितली मोठी गोष्ट

दिल्ली कॅपिटल्सचा चेंडूंच्या बाबतीत आयपीएलमधील सर्वात मोठा विजय (चेंडू शिल्लक असताना)

६७ वि जीटी, अहमदाबाद, २०२४*
५७ वि पीबीकेएस, मुंबई बीएस, २०२२
४२ वि डेक्कन चार्जर्स, हैदराबाद, २००८
४० वि सीएसके, दिल्ली, २०१२

दिल्लीच्या गोलंदाजी समोर गुजरातचे फलंदाज हतबल –

आयपीएल २०२४ मध्ये आतापर्यंत दिल्ली कॅपिटल्सच्या गोलंदाजांची खूप धुलाई झाली होती, परंतु जीटी विरुद्धच्या सामन्यात प्रत्येकाने शानदार कामगिरी केली. मुकेश कुमारने ३, इशांत शर्मा आणि ट्रिस्टन स्टब्सने २, तर खलील अहमद आणि अक्षर पटेल यांनी आपापल्या षटकात प्रत्येकी एक विकेट घेतली. कुलदीप यादवला एकही विकेट घेता आली नसली, तरी त्याने ४ षटकांत केवळ १६ धावा देऊन गुजरातच्या फलंदाजांना सतत दबावाखाली ठेवले. या तगड्या गोलंदाजीमुळे त्याने गुजरातला पूर्ण २० षटकेही खेळू दिली नाहीत.