राशिद खानच्या फिरकीच्या जाळ्यात कोलकाता अडकलं, हैदराबाद अंतिम फेरीत दाखल

हैदराबादकडून राशिद खानने ४ षटकात १९ धावा देत ३ गडी घेतले. त्याला कार्लोस ब्रेथवेट आणि सिद्धार्थ कौलने प्रत्येकी २-२ तर शाकिब अल हसनने १ बळी घेत चांगली साथ दिली. कोलकात्याकडून सलामीवीर ख्रिस लीनने संघाचा डाव सावरण्याचा प्रयत्न केला, मात्र त्याला इतर फलंदाजांची हवी तशी साथ मिळाली नाही.

त्याआधी अफगाणिस्तानचा अष्टपैलू खेळाडू राशिद खानने अखेरच्या षटकांमध्ये केलेल्या फटकेबाजीच्या जोरावर हैदराबादने कोलकाता नाईट रायडर्सविरुद्ध सामन्यात १७४ धावांपर्यंत मजल मारली. अंतिम फेरी गाठण्यासाठी कोलकात्याला १७५ धावांचं आव्हान देण्यात आलं. नाणेफेक जिंकून प्रथम गोलंदाजी करण्याचा निर्णय घेतलेल्या कोलकात्याच्या गोलंदाजांनी सुरुवातीच्या षटकांमध्ये, हैदराबादच्या फलंदाजांना चांगलचं जखडवून ठेवलं. शिखर धवन-वृद्धीमान सहा जोडी माघारी परतल्यानंतर हैदराबादचा एकही फलंदाज मोठी धावसंख्या उभारु शकला नाही. एकामागोमाग बळी जाण्याचं सत्र सुरुच असल्यामुळे कोलकात्याने सामन्यावर आपली पकड मजबूत ठरवली. हैदराबादचा हक्काचा स्फोटक फलंदाज कार्लोस ब्रेथवेटनेही आजच्या सामन्यात निराशा केल्यामुळे संघाच्या चिंतेत भर पडली. मात्र राशिद खानने अखेरच्या षटकांमध्ये दाणपट्ट्याप्रमाणे बॅट चालवत कोलकात्याच्या गोलंदाजांचा समाचार घेतला. भुवनेश्वर कुमारसोबत केलेल्या छोटेखानी भागीदारीच्या साथीने राशिद खानने हैदराबादला २० षटकांमध्ये १७४ धावांचा पल्ला गाठून दिला. कोलकात्याकडून कुलदीप यादवने सर्वाधीक २ बळी घेतले. त्याला शिवम मवी, पियुष चावला आणि सुनिल नरीनने प्रत्येकी १-१ बळी घेत चांगली साथ दिली.

• कोलकात्यावर मात करत अंतिम फेरीत धडक, २७ मे ला रंगणार अंतिम सामना
• १४ धावांनी सनराईजर्स हैदराबाद सामन्यात विजयी
• लागोपाठच्या चेंडूवर शुभम गिल माघारी, कोलकात्याचा ९ वा गडी माघारी
• कार्लोस ब्रेथवेटच्या गोलंदाजीवर शिवम मवी माघारी, कोलकात्याचा आठवा गडी बाद
• शेवटच्या षटकात विजयासाठी कोलकात्याला १९ धावांची गरज
• कोलकात्याचा सातवा गडी माघारी
• १९ व्या षटकात सिद्धार्थ कौलने उडवला पियुष चावलाचा त्रिफळा
• पियुष चावला-शुभमन गिल जोडीकडून फटकेबाजीचा प्रयत्न
• अँड्रू रसेलच्या गोलंदाजीवर रसेल माघारी, कोलकात्याचा सहावा गडी माघारी
• राशिद खानच्या गोलंदाजीवर आक्रमक ख्रिस लीन माघारी, कोलकात्याचा निम्मा संघ माघारी
• कोलकात्याने ओलांडला शंभर धावांचा टप्पा
• कोलकात्याचा चौथा गडी माघारी
• शाकिब अल हसनच्या गोलंदाजीवर कर्णधार दिनेश कार्तिक माघारी
• राशिद खानच्या गोलंदाजीवर रॉबिन उथप्पा त्रिफळाचीत, कोलकात्याला तिसरा धक्का
• चोरटी धाव घेण्याच्या नादात नितीश राणा धावबाद, कोलकात्याचा दुसरा गडी माघारी
• लीन कडून हैदराबादच्या गोलंदाजीवर हल्लाबोल
• ख्रिस लीन-नितीश राणा जोडीने संघाचा डाव सावरला
• सिद्धार्थ कौलच्या गोलंदाजीवर नरीन माघारी, कोलकात्याला पहिला धक्का
• सुनील नरिनची फटकेबाजी, मैदानाच्या चौफेर फटकेबाजी
• कोलकात्याच्या सलामीवीरांची आक्रमक सुरुवात
• कोलकात्याला विजयासाठी १७५ धावांचं आव्हान
• २० षटकात हैदराबादची १७४ धावांपर्यंत मजल
• राशिद-भुवनेश्वर कुमारची अखेरच्या षटकांमध्येही जोरदार फटकेबाजी
• १९ व्या षटकात राशिद खानची फटकेबाजी, हैदराबादने गाठला १५० धावांचा टप्पा
• हैदराबादचे ७ गडी माघारी
• हैदराबादची घसरगुंडी सुरुच, युसूफ पठाण मोठा फटका खेळताना माघारी
• चोरटी धाव घेण्याच्या नादात ब्रेथवेट धावबाद, हैदराबादचा सहावा गडी माघारी
• ब्रेथवेटकडून फटकेबाजी करण्याचा प्रयत्न
• हैदराबादचा निम्मा संघ माघारी, सुनिल नरीनला मिळाली विकेट
• रिव्हर्स स्विप फटका खेळण्याच्या नादात दिपक हुडा बाद
• कुलदीप यादवच्या गोलंदाजीवर शाकिब दुर्दैवीरित्या धावबाद, हैदराबादचा चौथा गडी माघारी
• शाकिब अल हसन-दिपक हुडामध्ये छोटेखानी भागीदारी
• पियुष चावलाच्या गोलंदाजीवर साहा यष्टीचीत, हैदराबादचे ३ गडी माघारी
• वृद्धीमान साहा-शाकीब अल हसन जोडीकडून संघाचा डाव सावरण्याचा प्रयत्न
• कुलदीपचे हैदराबादला दणके, २ गडी माघारी
• त्याच षटकात हैदराबादचा कर्णधार केन विल्यमसन माघारी
• हैदराबादची जमलेली जोडी फुटली, शिखर धवन कुलदीप यादवच्या गोलंदाजीवर माघारी
• हैदराबादने ओलांडला ५० धावांचा टप्पा
• गोलंदाजीचा अंदाज घेत शिखर धवन-वृद्धीमान साहाची फटकेबाजी
• हैदराबादच्या सलामीवीरांची सावध सुरुवात
• कोलकात्याने नाणेफेक जिंकली, प्रथम गोलंदाजी करण्याचा निर्णय