IPL 2023 KKR vs GT: रिंकू सिंगच्या पाच षटकाराच्या जोरावर केकेआरचा शानदार विजय: रोमांचक सामन्यात गुजरातचा पराभव - Marathi News | Ipl 2023 Kkr Vs Gt Kolkata Knight Riders Beat Gujarat Titans By 3 Wickets Vbm 97

IPL 2023 KKR vs GT: कोलकाता नाईट रायडर्सने रोमांचक सामन्यात गुजरात टायटन्सचा ३ गडी राखून पराभव केला. संघासाठी तुफानी फलंदाजी करताना रिंकू सिंगने एकूण सहा षटकार ठोकले.

रिंकू सिंगच्या पाच षटकाराच्या जोरावर केकेआरचा शानदार विजय (फोटो-ट्विटर)

Kolkata Knight Riders vs Gujarat Titans Score Updates: कोलकाता नाईट रायडर्सने रोमांचक सामन्यात गुजरात टायटन्सचा ३ गडी राखून पराभव केला. शेवटच्या षटकात कोलकाताला विजयासाठी २९ धावांची गरज होती. रिंकू सिंगने शेवटच्या षटकात पाच षटकार मारत संघाला विजय मिळवून दिला. प्रथम फलंदाजी करताना गुजरातने २०५ धावांचे लक्ष्य दिले होते. प्रत्युत्तरात केकेआरने शेवटच्या चेंडूवर लक्ष्य गाठले. संघाकडून रिंकू सिंगने २१ चेंडूत नाबाद ४८ धावा केल्या.

व्यंकटेश अय्यर आणि नितीश राणा यांच्या भागीदारीने कोलकाताला सामन्यात परत आणले

या सामन्यात २०५ धावांच्या धावसंख्येचा पाठलाग करताना कोलकाता नाईट रायडर्स संघाची सुरुवात चांगली झाली नाही आणि 20 धावांवर रहमानउल्ला गुरबाजच्या रूपाने संघाने पहिली विकेट गमावली. यानंतर, २८धावांवर, नारायण जगदीशनच्या रूपाने संघाला आणखी एक धक्का बसला, जो केवळ ६ धावा करून पॅव्हेलियनमध्ये परतला.

https://twitter.com/IPL/status/1645064410019545088?s=20

येथून व्यंकटेश अय्यरने कर्णधार नितीश राणासह संघाची धावसंख्या पहिल्या ६ षटकात २ गडी गमावून ४३ पर्यंत नेली. यानंतर दोन्ही खेळाडूंनी मिळून या सामन्यात कोलकाता संघाला पुनरागमन करण्यासाठी प्रयत्न सुरू केले आणि तिसऱ्या विकेटसाठी ५५ चेंडूत १०० धावांची शानदार भागीदारी केली. २९ चेंडूत ४५ धावांची खेळी करून पॅव्हेलियनमध्ये परतलेल्या कर्णधार नितीश राणाच्या रूपाने कोलकाताच्या संघाला १२८ धावांवर तिसरा धक्का बसला.

राशिद खानच्या हॅट्ट्रिकने सामना गुजरातकडे वळवला –

.@rashidkhan_19 ? Hat-trick!

That was simply sensational! ? ?

Follow the match ▶️ https://t.co/G8bESXjTyh#TATAIPL | #GTvKKR | @gujarat_titans pic.twitter.com/sSpYyFcO3S
— IndianPremierLeague (@IPL) April 9, 2023

व्यंकटेश अय्यरने रिंकू सिंगच्या साथीने धावांचा वेग कायम ठेवण्याचा प्रयत्न केला, मात्र तोही ४० चेंडूत ८३धावांची खेळी करून पॅव्हेलियनमध्ये परतला. यानंतर गुजरात संघासाठी या सामन्यात कर्णधारपद भूषवणाऱ्या राशिद खानची अप्रतिम गोलंदाजी पाहायला मिळाली, ज्याने १७व्या षटकातील पहिल्या ३ चेंडूत सलग ३ बळी घेत सामना गुजरातकडे वळवण्याचे काम केले.

रिंकू सिंगने ७ चेंडूत ४० धावा करत कोलकाताला रोमहर्षक विजय मिळवून दिला –

या सामन्यात गुजरातचा संघ सहज सामना जिंकेल असे सर्वांना वाटत असताना, त्यावेळी रिंकू सिंगने १९व्या षटकातील शेवटच्या दोन चेंडूंवर चौकार आणि षटकार खेचून कोलकात्याच्या आशा जिवंत ठेवण्याचा प्रयत्न केला. यानंतर, २० व्या षटकाच्या पहिल्या चेंडूवर उमेश यादवने १धाव घेत रिंकूला स्ट्राइक दिली. रिंकूने दुसऱ्या चेंडूवर लाँग ऑफ आणि त्यानंतर तिसऱ्या चेंडूवर डीप बॅकवर्ड स्क्वेअर लेगवर षटकार खेचून सामना रोमांचक केला.

https://twitter.com/IPL/status/1645065424542003200?s=20

त्यानंतर रिंकूने लाँग ऑफच्या चौथ्या चेंडूला आणि पाचव्या चेंडूला लाँग ऑनला षटकार देऊन सामना पूर्णपणे कोलकात्याच्या दिशेने वळवला. शेवटच्या चेंडूवर केकेआरला विजयासाठी ४ धावांची गरज होती आणि हा चेंडू षटकारापर्यंत पोहोचवत संघाला रोमहर्षक विजय मिळवून देण्याचे काम रिंकू सिंगने केले.