IPL Mega Auction 2025 Day 1: Shreyas Iyer 2nd Highest Most Expensive Player sold for 25.75 crore to Punjab Kings in IPL Mega Auction 2025

Shreyas Iyer Sold for 25.75 Crore in IPL 2025 : श्रेयस अय्यरवर आयपीएल लिलावात तुफान बोली लागत होती. अखेरीस श्रेयस अय्यर आयपीएल इतिहासातील सर्वात महागडा खेळाडू ठरला.

Shreyas Iyer Most Expensive Player in IPL History with Record break Bidding

श्रेयस अय्यर ठरला आयपीएलच्या इतिहासातील सर्वात महागडा खेळाडू (फोटो-लोकसत्ता ग्राफिक्स टीम)

IPL Mega Auction 2025 Updates : श्रेयस अय्यर आयपीएल लिलावाच्या इतिहासातील दुसऱ्या क्रमांकाचा सर्वात महागडा खेळाडू ठरला आहे. याचबरोबर ऋषभ पंत सर्वात महागडा भारतीय खेळाडू ठरला आहे. पंजाब किंग्स संघाने २५.७५ कोटींना आपली पर्स रिकामी करत अय्यरला संघात सामील केले. श्रेयसवर सुरूवातीला पूर्वीचा संघ कोलकाता नाईट रायडर्सनेच बोली लावण्यास सुरूवात केली. तर पंजाब किंग्सचा संघही बोली लावण्यासाठी उतरला. १० कोटींनंतर कोलकाता संघ थांबला पण शेवटपर्यंत दिल्ली आणि पंजाबमध्ये श्रेयस अय्यरसाठी बोली लावली जात होती. यानंतर २५.७५ कोटींचा टप्पा गाठताच श्रेयस अय्यर ऋषभ पंतच्या मागोमाग आयपीएल इतिहासातील दुसऱ्या क्रमांकाचा सर्वात महागडा खेळाडू ठरला.

मिचेल स्टार्क हा २४.७५ कोटींसाठी आयपीएल लिलावातील सर्वात महागडा खेळाडू होता. पंजाब किंग्सने आता हा रेकॉर्ड मोडत श्रेयस अय्यरला २६.७५ कोटींना आपल्या संघात सामील केले आहे. अय्यरची मूळ किंमत २ कोटी रुपये होती. तो मार्की सेट १ खेळाडूंचा भाग होता.

हेही वाचा : IPL Mega Auction 2025 Live Updates : श्रेयस अय्यरनंतर ऋषभ पंत आयपीएलमध्ये इतिहास घडवण्यासाठी सज्ज

श्रेयसची IPL मधली आतापर्यंतची कामगिरी

२९ वर्षीय श्रेयस अय्यरने २०१५ मध्ये दिल्ली कॅपिटल्सकडून खेळून आयपीएलमध्ये पदार्पण केले होते. तेव्हापासून, अय्यरने आयपीएलमध्ये ११६ सामने खेळले आहेत, ज्यामध्ये त्याने १२७ च्या स्ट्राइक रेटने फलंदाजी करताना ३१२७ धावा केल्या आहेत. इंडियन प्रीमियर लीगमध्ये अय्यरची सर्वोच्च धावसंख्या ९६ धावा आहे. या मोठ्या स्पर्धेत त्याच्या बॅटने २१ अर्धशतके झळकावली आहेत. त्याच्या नेतृत्वाखाली अय्यरने गेल्या वर्षी कोलकाताला १० वर्षांनंतर आयपीएलचे विजेतेपद मिळवून दिले.

श्रेयस अय्यरच्या नेतृत्वाखाली कोलकत्ता नाईट रायडर्स संघाने आयपीएल २०२४ चे जेतेपद पटकावले. तरीही कोलकत्ता संघाने श्रेयस अय्यरला आयपीएल २०२५ पूर्वी रिटेन्शनमध्ये रिलीज केले. लिलावापूर्वी श्रेयस अय्यरची बॅट चांगली तळताना दिसत आहे. देशांतर्गत क्रिकेटमध्ये रणजी सामन्यांमध्ये खेळताना श्रेयस अय्यरने शतकी कामगिरी केली. नंतर सय्यद मुश्ताक अली ट्रॉफी टी-२० सामन्यामध्ये गोवा विरुद्ध खेळताना श्रेयसने उत्कृष्ट शतक झळकावले आणि त्याच्या शतकाच्या जोरावर मुंबई संघाला विजय मिळवण्यात यश आले.

हेही वाचा : KKR IPL 2025 Full Squad: श्रेयस अय्यरला रिलीज केल्यानंतर कसा असू शकतो केकेआरचा संघ, लिलावात कोणावर लावणार बोली?

????-YESSS! ?

Welcome to the den, paaji! ❤️#ShreyasIyer #IPL2025Auction #PunjabKings
This quiz is AI-generated and for edutainment purposes only.
— Punjab Kings (@PunjabKingsIPL) November 24, 2024

श्रेयस अय्यरने टी-२० मध्ये आतापर्यंत ५७५९ धावा केल्या आहेत. यामध्ये ३६ अर्धशतकं आणि ३ शतकांचा समावेश आहे.

Web Title: Ipl mega auction 2025 shreyas iyer most expensive player sold for rs 26 75 crore to punjab kings bdg