Video : रिंकूच्या पराक्रमाची चंद्रकांत पंडितांनी केली शास्त्री, मियाँदादच्या षटकारांशी तुलना

रिंकूच्या अप्रतिम खेळीबाबत बोलताना पंडित म्हणाले, “माझ्या ४३ वर्षांच्या क्रिकेट करिअरमध्ये राष्ट्रीय स्तरापासून ते आंतरराष्ट्रीय क्रिकेटपर्यंत एक खेळाडू आणि प्रशिक्षक म्हणून काम पाहिलं. मी याआधी दोन इनिंग पाहिल्या होत्या. रवी शास्त्री यांनी रणजी ट्रॉफीत मारलेले सहा षटकार आणि जावेद मियॉंदाद यांनी दुबईत शेवटच्या चेंडूवर मारलेला षटकार, अशा दोन इनिंग मी पाहिल्या आहेत. पण त्यानंतर आता मी रिंकू सिंगला अशा प्रकारची चमकदार कामगिरी करताना पाहिलं. उमेश यादवने शेवटच्या षटकातील पहिल्या चेंडूवर एक धाव काढली, मोक्याच्या क्षणी अशाप्रकारची रणनिती आखल्याचा आनंद झाला. तसंच नितीश राणा आणि व्येंकटेश अय्यर यांच्याही कामगिरीचं कौतुक केलं पाहिजे.”

नक्की वाचा – नरेंद्र मोदी स्टेडियममध्ये रिंकू सिंगचं वादळ; अनन्या पांडेची पोस्ट व्हायरल, म्हणाली, “तो तर राजा…”

इथे पाहा व्हिडीओ

गुजरात टायटन्स आणि कोलकाता नाईट रायडर्स यांच्यात अहमदाबादच्या नरेंद्र मोदी स्टेडियममध्ये महामुकाबला झाला. या सामन्यात रिंकू सिंगने चौफेर फटकेबाजी करत मैदानात अक्षरक्षा धावांचा पाऊसच पडला. गुजरात टायटन्सच्या गोलंदाजांचा धुव्वा उडवत रिंकू सिंगने पाच लगातर षटकार ठोकून सामना खिशात घातला. आख्खा क्रिकेटविश्वात रिंगू सिंगच्या वादळी खेळीची चर्चा सुरु आहे. कारण रिंकूने पाच षटकारांच्या जोरावर नवीन पाच विक्रमांना गवसणी घातली आहे. रिंकूने २१ चेंडूत १ चौकार आणि ६ षटकार ठोकून ४८ धावांची नाबाद खेळी केली. कोणत्याही फलंदाजासाठी हे पाच विक्रम मोडणे भविष्यात एक मोठं आव्हानच असणार आहे.