Rinku Singh: ‘कधीकाळी साफसफाई करणारा आज कोलकाताचा मुख्य खेळाडू’, जाणून घ्या कारकिर्दीचा प्रवास

पावसामुळे सामना थांबवण्यात आला आहे. १९२ धावांच्या लक्ष्याचा पाठलाग करताना कोलकाता संघाने १६ षटकांत सात गडी गमावून १४६ धावा केल्या आहेत. डकवर्थ लुईस नियमानुसार कोलकाताचा संघ सात धावांनी मागे आहे. आणखी सामना न झाल्यास पंजाबचा विजय निश्चित आहे. मात्र, कोलकात्याला सामना झाल्यास जिंकण्याची संधी आहे. सुनील नारायण आणि शार्दुल ठाकूर खेळपट्टीवर आहेत, जर सामना पुढे गेला तर हे दोघेही आपल्या संघाला विजय मिळवून देऊ शकतात, कारण कोलकाताला विजयासाठी २४ चेंडूत ४६ धावांची गरज आहे.

हेही वाचा: IPL 2023: ‘कधी नव्हे ते धोनी मैदानावर…’; दुखापतीमुळे माही चेपॉकवरील सामन्याला मुकणार का? चेन्नईच्या प्रशिक्षकाचे मोठे विधान

रिंकू सिंगचे लहानपण हालाखीचे परिस्थितीत गेले

उत्तर प्रदेशातील अलीगढ येथे जन्मलेल्या रिंकू सिंगचे बालपण अत्यंत गरिबीत गेले. रिंकू सिंग पाच भावंडांमध्ये तिसऱ्या क्रमांकावर आहे. रिंकूचे वडील घरोघरी जाऊन सिलिंडर पोहोचवायचे. रिंकू सिंगला क्रिकेट खेळण्याची खूप आवड होती, पण आर्थिक अडचणींमुळे त्याच्या आयुष्यात एक वेळ आली जेव्हा क्रिकेटचा छंद त्याच्यापासून दूर गेला.

रिंकू सिंगचा एक भाऊ ऑटो रिक्षा चालवायचा, तर त्याचा दुसरा भाऊही कोचिंग सेंटरमध्ये काम करून कुटुंबाला आर्थिक मदत करत असे. रिंकू सिंग ९वीत नापास झाला आहे, शिक्षणाअभावी तिला योग्य नोकरी मिळत नव्हती. रिंकूने त्याच्या भावाला नोकरी मिळवून देण्यास सांगितले असता, त्याचा भाऊ त्याला जिथे घेऊन गेला तिथे त्याला सफाई कामगाराची नोकरी मिळली होती, काही दिवस त्याने ती नोकरी केली. रिंकू सिंगला त्यावेळी माहित होते की, त्याचे आयुष्य कोणी बदलू शकत असेल तर ते फक्त आणि फक्त क्रिकेटच आहे. रिंकू सिंगने संपूर्णपणे क्रिकेटवर लक्ष केंद्रित करण्याचा निर्णय घेतला आणि दिल्लीत खेळल्या गेलेल्या एका स्पर्धेत जेव्हा त्याला मालिकावीर म्हणून मोटारसायकल मिळाली तेव्हा त्याने ही मोटारसायकल आपल्या वडिलांना सिलिंडर वितरणासाठी दिली.

हेही वाचा: Mohammad Shami Record: IPLमध्ये मोहम्मद शमीने रचला नवा विक्रम! कॉनवेला बाद करत ब्राव्हो-मलिंगाच्या क्लबमध्ये सामील

रिंकू सिंगच्या कुटुंबावरही पाच लाखांचे कर्ज होते, जे त्याने क्रिकेट खेळून फेडले. रिंकू सिंगने २०१४ मध्ये विदर्भाविरुद्ध लिस्ट ए मध्ये पदार्पण केले आणि त्यानंतर त्याने देशांतर्गत क्रिकेटमध्ये आपल्या बॅटने सर्व सामने जिंकले. रिंकू सिंगला कोलकाता संघातील सर्वात प्रबळ क्षेत्ररक्षक म्हणून ओळखले जाते. इंडियन प्रीमिअर लीगमुळे देशातील तळागळातील युवा खेळाडूंना आपलं कौशल्य दाखवण्याचं हक्काचं व्यासपीठ मिळालं. प्रतिकुल परिस्थितीवर मात करून अनेक खेळाडूंनी गगन भरारी घेतली आहे आणि त्यामधला एक रिंकू सिंग हा आहे.