आयपीएल २०२३चा पहिला सामना चेन्नई सुपर किंग्ज आणि गुजरात टायटन्स यांच्यात खेळला गेला. गुजरातचा वेगवान गोलंदाज मोहम्मद शमी या सामन्यात उत्कृष्ट लयीत होता. त्याने चार षटकांत २९ धावा देत दोन बळी घेतले. यासह त्याने ड्वेन ब्राव्हो आणि लसिथ मलिंगासारख्या अनुभवी गोलंदाजांच्या खास क्लबमध्ये स्थान मिळवले. शमी आयपीएलमध्ये १०० बळी घेणाऱ्या गोलंदाजांच्या क्लबमध्ये सामील झाला आहे. अशी कामगिरी करणारा तो १८वा आणि १४वा भारतीय गोलंदाज आहे.

शमीने ९४ आयपीएल सामन्यात १०१ विकेट घेतल्या आहेत. यादरम्यान त्याची सर्वोत्तम कामगिरी म्हणजे १५ धावांत तीन बळी. आयपीएलमध्ये, त्याने प्रत्येक २१व्या चेंडूवर एक विकेट घेतली आहे आणि ८.५० च्या इकॉनॉमी रेटने धावा दिल्या आहेत. या लीगमध्ये तो एक विकेट घेण्यासाठी सरासरी २९ धावा खर्च करतो.

Virat Kohli Meets Childhood Rajkumar Sharma Coach photo viral
Virat Kohli : टीम इंडियाच्या व्हिक्टरी परेडनंतर विराटने आपल्या ‘द्रोणाचार्यां’ची घेतली गळाभेट, फोटो होतोय व्हायरल
Rohit Sharma takes a bite of Barbados pitch after T20 World Cup win
IND vs SA Final: रोहित शर्माने विजयानंतर बार्बाडोसच्या खेळपट्टीवरील मातीची चव का चाखली? VIDEO मध्ये पाहा कॅप्टनने नेमकं काय केलं?
Chris Gayle statement on Virat's performance in 2024 World Cup
IND vs SA Final: युनिव्हर्स बॉसचे विराट कोहलीच्या फॉर्मबद्दल मोठं वक्तव्य; म्हणाला, ‘त्याला तुम्ही कमी…’
IND vs SA Final Highlights T20 World Cup 2024 Updates in Marathi
IND vs SA Final Highlights : सूर्यकुमार यादवचा झेल ठरला निर्णायक! टीम इंडियाने १७ वर्षानंतर दुसऱ्यांदा टी-२० विश्वचषकावर कोरलं नाव
t20 cricket world cup final India vs south africa match preview
तुल्यबळांमध्ये वर्चस्वाची लढाई! ट्वेन्टी-२० विश्वचषकाच्या महाअंतिम लढतीत आज भारतासमोर दक्षिण आफ्रिकेचे आव्हान
sorry bhaiya logo ko rishabh pant shares hilarious video of ms dhoni virat kohli and rohit sharma dancing video goes viral t20 world cup 2024
धोनी, कोहली अन् रोहितने ‘बरसो रे मेघा’ गाण्यावर धरला ठेका; ऋषभ पंतने पोस्ट केला मजेशीर video, पाहून हसू आवरणे होईल कठीण
Argentina beat Canada by 20 points in the first match
अर्जेंटिना संघाची दमदार सुरुवात; पहिल्याच सामन्यात कॅनडावर २० अशी सरशी; मेसीची चमक
Ravindra jadeja Lifts Rahul Dravid After Wins Best Fielder Medal
IND v AFG: भारताच्या विजयानंतर जडेजाने ड्रेसिंग रूममध्ये राहुल द्रविडला थेट उचलून घेतलं, पण नेमकं घडलं तरी काय? पाहा VIDEO

चेन्नईविरुद्धच्या सामन्यात डेव्हॉन कॉनवेला बाद करून शमीने ही खास कामगिरी आपल्या नावावर केली. यानंतर त्याने शिवम दुबेलाही पॅव्हेलियनमध्ये पाठवले. ड्वेन ब्राव्हो हा आयपीएलमध्ये सर्वाधिक विकेट घेणारा गोलंदाज आहे, त्याने १६१ सामन्यात १८३ बळी घेतले आहेत. यानंतर श्रीलंकेचा दिग्गज खेळाडू लसिथ मलिंगाचे नाव येते, ज्याने १२२ सामन्यांत १७० विकेट्स घेतल्या आहेत. आयपीएलमध्ये सर्वाधिक विकेट घेणारा गोलंदाज अमित मिश्रा आहे, ज्याने १५४ सामन्यात १६६ विकेट घेतल्या आहेत.

चेन्नईला २०० धावा करता आल्या नाहीत

या सामन्यात गुजरात संघाने तिसर्‍याच षटकात पहिले यश मिळवले. डेव्हॉन कॉनवे सहा चेंडूत केवळ एक धाव काढून बाद झाला. यावेळी चेन्नईची धावसंख्या केवळ १४ धावा होती. यानंतर ऋतुराज गायकवाडने मोईन अलीच्या साथीने डाव सांभाळत वेगवान धावा केल्या. अली १७ चेंडूत २३ धावा करून बाद झाला, पण तोपर्यंत त्याने आपले काम केले होते. यानंतर एका टोकाला विकेट पडत राहिल्या, मात्र गायकवाडने आक्रमकपणे धावा काढल्या. १८व्या षटकात तो बाद झाला, तेव्हा चेन्नईची धावसंख्या १५१ धावा होती. यानंतर शिवम दुबेने १९ आणि धोनीने १७ धावा करत चेन्नईची धावसंख्या सात गड्यांच्या मोबदल्यात १७८ पर्यंत नेली.

हेही वाचा: IPL 2023: हार्दिक पांड्याच्या गुजरातला मोठा धक्का! केन विल्यमसन आयपीएलमधून बाहेर, दुखापतीमुळे न्यूझीलंडला रवाना

आयपीएलमध्ये १०० विकेट घेणारा सर्वात वेगवान गोलंदाज

1. लसिथ मलिंगा ७० सामने

2. भुवनेश्वर कुमार ८१ सामने

3. युझवेंद्र चहल ८३ सामने

4. अमित मिश्रा ८३ सामने

5. आशिष नेहरा ८३ सामने