मुंबई इंडियन्स विजयी पण रोहित शर्माचा ड्रेसिंग रूममधील Video पाहून चाहतेही दुःखी; कॅमेऱ्याने टिपले डोळ्यातील भाव

रोहित शर्माच्या चेहऱ्यावरील निराशा

रोहित शर्माने यंदाच्या आयपीएलमध्ये आतापर्यंतच्या सात सामन्यांमध्ये २९७ धावा केल्या आहेत. ज्यात दिल्ली कॅपिटल्सविरुद्ध ४९ आणि CSK विरुद्ध घरच्या मैदानावर नाबाद १०५ धावा केल्या होत्या. पण, त्याच्या पुढील पाच सामन्यांमध्ये, तो केवळ ३४ धावा करू शकला, ज्यामध्ये चारवेळा तर एकल-अंकी धावसंख्येवरच रोहितला तंबूत परतावे लागले होते. सनरायजर्स हैदराबाद विरुद्ध सामन्यात सुद्धा रोहित चार धावा करून बाद झाला होता. यानंतर पॅव्हेलियनमध्ये जाताना अर्थात त्याच्याही चेहऱ्यावर नाराजी होतीच. त्यांनतर कॅमेराने जेव्हा त्याला एमआयच्या ड्रेसिंग रूममध्ये झूम करून टिपलं तेव्हा भारतीय कर्णधाराच्या डोळयात दुःख होते.

रोहित शर्माची विकेट

रोहित शर्माची लय हरवली!

दरम्यान, सनरायझर्स विरुद्धच्या सामन्याआधीच आकाश चोप्राने रोहितच्या फॉर्मविषयी चिंता व्यक्त केली होती. रोहितने हंगामाची जोरदार सुरुवात केल्यानंतर त्याची लय गमावली, ज्यामुळे आता T20 विश्वचषकामध्ये त्याची कामगिरी कशी असेल याविषयी सुद्धा चिंता वाटत आहे असं मत चोप्राने व्यक्त केलं होतं.

हे ही वाचा << मुंबई इंडियन्सच्या सामन्यात पुन्हा नाणेफेकीचा वाद पेटला; Video पाहून चाहत्यांचा संताप, म्हणाले, “सगळं विकत..”

आकाश चोप्राने युट्युबवरील व्हिडिओमध्ये म्हटले की, “मी प्रथम रोहित शर्मावर लक्ष केंद्रित करत आहे कारण शेवटच्या चार सामन्यांमध्ये (राजस्थान, दिल्ली, लखनऊ आणि कोलकाता) त्याची सर्वोच्च धावसंख्या कदाचित ११ आहे.हे चांगलं लक्षण नाही. त्याने चांगली सुरुवात केली होती. टूर्नामेंटमध्ये ३००- ३२५ धावा केल्या होत्या, या मैदानावर शतकही ठोकले होते, परंतु त्यानंतर त्याची लयच हरवली आहे. आता हे असं घडणं परवडणारं नाहीये.”

येत्या आयपीएल सामन्यांमध्ये रोहितला अजून दोन संधी मिळणार आहेत मात्र त्यानंतर भारतीय संघ यूएसला रवाना होईल जिथे त्यांना आयर्लंडविरुद्ध ५ जून ला त्यांचा पहिला सामना खेळायचा आहे.