SRH vs GT: गुजरातसाठी शुभसंकेत! नरेंद्र मोदी स्टेडियममध्ये शुबमन गिलची झुंझार खेळी, IPL मध्ये पहिल्या शतकाला गवसणी

आंरराष्ट्रीय क्रिकेटमध्ये तिनही फॉर्मेटमध्ये शतकी खेळी करणाऱ्या गिलने यंदाच्या आयपीएल हंगामात धमाका केला. गिलने सनरायझर्स विरोधात होत असलेल्या सामन्यात नरेंद्र मोदी स्टेडियममध्ये चौफेर फटकेबाजी केली आणि आयपीएलमधील पहिलं शतक ठोकलं. शुबमन गिलने ५६ चेंडूत १०० धावांची खेळी करत शतक ठोकलं. गिलने या इनिंगमध्ये १३ चौकार आणि १ षटकार ठोकला.

गिलने ५७ चेंडूत १०१ धावा केल्या. भुवनेश्वर कुमारने गिलला बाद करून गुजरातला मोठा धक्का दिला. या संपूर्ण इनिंगमध्ये भूवनेश्वर कुमारने ५ विकेट्स घेत चमकदार कामगिरी केली. साई सुदर्शनने ३६ चेंडूत ४७ धावांची खेळी साकारली. जेनसेन, फारूकी आणि नटराजनने हैदराबादसाठी प्रत्येकी एक विकेट घेतली. भुवनेश्वरच्या भेदक माऱ्यामुळं गुजरातला दोनशे धावांचा टप्पा पार करता आला नाही.