Latest Marathi News- Breaking News Today | Read Marathi Batmya from Maharashtra, India ब्रेकींग मराठी न्यूज at https://loksatta.com/

भारताविरुद्धच्या पहिल्या कसोटीत रूटनं अर्धशतकी खेळी केली.

joe root becomes englands all-time leading run scorer across all formats

इंग्लंडच्या कसोटी संघाचा कर्णधार जो रूट

भारताविरुद्धच्या पहिल्या कसोटी सामन्यात इंग्लंडचा कसोटी कर्णधार जो रूटने इतिहास रचला आहे. जो रूट इंग्लंडसाठी आंतरराष्ट्रीय क्रिकेटमध्ये सर्वाधिक धावा करणारा फलंदाज ठरला. जो रूटने माजी कर्णधार अॅलिस्टर कूकला मागे टाकले. कूकने १५,७३७ धावा केल्या होत्या. जो रूटने पहिल्या डावात अर्धशतक झळकावले आणि त्याने कूकच्या विक्रमाला मागे टाकले. त्याने नॉटिंगहॅममध्ये आपल्या कसोटी कारकिर्दीचे ५०वे अर्धशतकही पूर्ण केले.

जो रूट इंग्लंडसाठी तीनही फॉरमॅटमध्ये खेळतो. त्याने ३६६ डावांमध्ये कूकला मागे टाकले. आंतरराष्ट्रीय क्रिकेटमध्ये कूकने एकूण ३६ शतके आणि ९० अर्धशतके केली आहेत. पहिल्या डावात रूटने ११ चौकारांसह ६४ धावांची खेळी केली. मुंबईकर गोलंदाज शार्दुल ठाकूरने त्याला पायचित पकडले.

Joe Root moved past Sir Alastair Cook to become England’s all-time leading run-scorer across all formats during day one of the first Test against India at Trent Bridge.
— Sky Sports Cricket (@SkyCricket) August 4, 2021

#ENGvIND
This quiz is AI-generated and for edutainment purposes only.
Joe Root becomes England’s highest run scorer in International cricket !
Meanwhile, #England three down after lunch! https://t.co/sLlTXJTS5L
— Express Sports (@IExpressSports) August 4, 2021

Joe Root brings up his 50th Test fifty #ENGvIND | #WTC23 | https://t.co/HOyTN16tXL pic.twitter.com/DvKphp4FAV
— ICC (@ICC) August 4, 2021

रूटची भारताविरुद्ध सर्वोत्तम कामगिरी

जो रूटने इंग्लंडसाठी १०६ कसोटी, १५२ एकदिवसीय आणि ३२ टी-२० सामने खेळले आहेत. ३० वर्षीय रूटने भारताविरुद्ध सर्वाधिक कसोटी धावा केल्या आहेत. त्याने भारताविरुद्ध २१ कसोटीत १८३४ धावा केल्या आहेत आणि या काळात त्याने ५ शतके आणि १० अर्धशतके ठोकली आहेत.

हेही वाचा – भिडल्या… लढल्या! अटीतटीच्या झुंजीत अर्जेंटिनाचा विजय; भारताची आता कांस्यपदकावर नजर

जो रूटने २०१२मध्ये आंतरराष्ट्रीय पदार्पण केले. यॉर्कशायरचा हा खेळाडू लहानपणापासूनच क्रिकेटमध्ये नाव कमावणार, असे म्हटले जात होते. १३ वर्षांचा असताना त्याला इंग्लंडचा भावी कर्णधार म्हटले गेले होते.

First published on: 04-08-2021 at 21:08 IST

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Joe root becomes englands all time leading run scorer across all formats adn

IND vs ENG : जो रूटनं रचला इतिहास, इंग्लंडसाठी केला मोठा पराक्रम!

भारताविरुद्धच्या पहिल्या कसोटीत रूटनं अर्धशतकी खेळी केली.

रूटची भारताविरुद्ध सर्वोत्तम कामगिरी