युवीचा ‘तो’ विक्रम कोण मोडणार? के एल राहुल म्हणतो…

“…तर विराट गोलंदाजाला घाणेरड्या शिव्या देतो”

भारताचा तडाखेबाज फलंदाज लोकेश राहुल याने ट्विटरवर प्रश्नोत्तरांचं सत्र घेतलं. त्यात अनेकांनी त्याला प्रश्न विचारले. पवन कुमार या युझरने त्याला प्रश्न विचारला की १४ चेंडूत IPL मधील सर्वात जलद अर्धशतक करण्याचा विक्रम तुझ्या (राहुल) नावावर आहे. पण आंतरराष्ट्रीय टी २० क्रिकेटमधील १२ चेंडूत सर्वात जलद अर्धशतकाचा विक्रम युवराजच्या नावे आहे. तो विक्रम कोण तोडू शकेल असं तुला वाटतं?

You hold the record for the fastest IPL 50, off 14 balls. Who do you think can equal or break Yuvraj’s record of a T20I fifty in just 12 balls? #AskKL
— Pavan Kumar Allada (@pavankumar_apk) May 10, 2020

त्यावर लोकेश राहुलने दमदार उत्तर दिलं. राहुल म्हणाला की युवराजचा सर्वात जलद टी २० अर्धशतकाचा विक्रम मीच मोडेन… या उत्तरानंतर त्याने चिडवण्याचा इमोजीदेखील वापरला.

I think it’s got to be me https://t.co/FtvM9uIOYU
— K L Rahul (@klrahul11) May 10, 2020

लोकेश राहुल सर्वात धोकादायक फलंदाज

“लोकेश राहुल हा सर्वात धोकादायक फलंदाज आहे. तो अतिशय प्रतिभावान आहे. आपण पंजाबासोबत सामना खेळताना त्याने दोन-तीन वेळा माझी चांगलीच धुलाई केली होती, त्यामुळे तो सोडून मी इतर कोणाचं नाव घेऊच शकत नाही. मी टाकलेल्या विविध प्रकारच्या चेंडूवर योग्य फटके मारण्याची कला त्याच्याइतकी कोणालाच अवगत नाही असं मला वाटतं. खूप वेळा त्याने हे सिद्ध केलं आहे”, असं इंग्लंडचा वेगवान गोलंदाज जोफ्रा आर्चर याने लाइव्ह चॅटमध्ये दोन दिवसांपूर्वी कबूल केलं.