नागपुरात सुरू असलेल्या सुब्रतो मुखर्जी चषक राज्यस्तरीय आंतरशालेय फुटबॉल स्पर्धेत कोल्हापूर विभागाचे प्रतिनिधित्व करणाऱ्या महाराष्ट्र हायस्कूलचे खेळाडू व प्रशिक्षक प्रदीप साळुंखे यांनी सोमवारी अखिलाडू वृत्तीचे प्रदर्शन करून बॉलबॉयचे काम करणाऱ्या एका खेळाडूला मारहाण केली. या प्रकारानंतर संघावर तीन वर्षांची बंदी घालण्यात आली.
नागपूर विद्यापीठाच्या मैदानावर १७ वर्षांंखालील गटाची पुणे-कोल्हापूर यांच्यात उपांत्य लढत सुरू होती. यादरम्यान बॉलबॉयचे काम करणाऱ्या क्रीडा प्रबोधिनीतील दिनकर वसावे या खेळाडूचा मैदानाबाहेर चेंडू देताना कोल्हापूरच्या अक्षय मुळेसोबत वाद झाला आणि यामध्ये दिनकरला मारहाण करण्यात आली. जखमी दिनकरला रुग्णालयात दाखल करण्यात आले आहे.