इंडियन प्रीमियर लीगच्या नवीन हंगामाच्या मिनी-लिलावापूर्वी संघांमध्ये बरेच बदल पाहायला मिळत आहेत. यादरम्यान संघांकडून खेळाडूंची खरेदी-विक्री सुरू आहे. २३ डिसेंबर रोजी होणाऱ्या लिलावापूर्वी कोलकाता नाईट रायडर्सने दिल्ली कॅपिटल्सच्या शार्दुल ठाकूरला खरेदी केले आहे.
कोलकाता नाईट रायडर्स ट्रेड विंडोद्वारे खेळाडूंना जोडत आहे. दोन वेळच्या चॅम्पियनने आता दिल्ली कॅपिटल्सकडून शार्दुल ठाकूरला सर्व रोख व्यवहारात साइन केले आहे. लॉकी फर्ग्युसन आणि रहमानउल्ला गुरबाज यांच्यानंतर अंतिम मुदतीपूर्वी केकेआरचा हा तिसरा ट्रेड आहे.
ठाकूर सध्या भारताच्या एकदिवसीय संघाचा भाग म्हणून न्यूझीलंडमध्ये आहे, शार्दुलला २०२२ च्या आयपीएल मेगा लिलावात दिल्ली कॅपिटल्सने १०.७५ कोटी रुपयांना विकत घेतले होते. शार्दुल ठाकूरकडे बॅटनेही चमत्कार करण्याची क्षमता आहे, ठाकूरला त्याच्या माजी आयपीएल संघ चेन्नई सुपर किंग्ज, गुजरात टायटन्स आणि पंजाब किंग्जने देखील विकत घेण्याचा प्रयत्न केला, परंतु शेवटी दिल्ली कॅपिटल्सला यश आले.
आयपीएल २०२२ च्या हंगामात, शार्दुल ठाकूरने १४ सामन्यांमध्ये ९.७९च्या इकॉनॉमीने १५ विकेट घेतल्या, तर त्याने बॅटने १३८ च्या स्ट्राइक रेटने १२० धावा केल्या.
हेही वाचा – 2024 T20 वर्ल्ड कपमध्ये विराट खेळेल की रोहित? माँटी पानेसरनं वर्तवलं भाकीत
लॉकी फर्ग्युसन आणि रहमतुल्ला गुरबाज या जोडीला गुजरात टायटन्सकडून दुसर्‍या सर्व रोख व्यवहारात विकत घेतल्यानंतर शार्दुल ठाकूर आता नाइट रायडर्सकडून खरेदी केलेला तिसरा खेळाडू आहे. मंगळवारी ट्रेडिंग विंडो बंद होण्याआधी नाइट रायडर्स सर्वात सक्रिय फ्रँचायझी आहे, ट्रेडिंग विंडो मंगळवारी IST संध्याकाळी ५ वाजता बंद होणार आहे.
