सातत्याने गोल करण्याच्या अद्भुत क्षमतेच्या जोरावर जगभरातल्या चाहत्यांवर गारूड घालणारा लिओनेल मेस्सी दुसऱ्यांदा बाबा होणार आहे. मेस्सीने समाजमाध्यमांवर आपल्या गरोदर पत्नीचे छायाचित्र अपलोड केले. तब्बल चार वेळा वर्षांतील सवरेत्कृष्ट फुटबॉलपटूचा पुरस्कार मिळवणाऱ्या मेस्सीने इन्स्टाग्रामवर अँटोनेला रोकुझो आणि पहिला मुलगा थिआगो यांच्या समवेतचे छायाचित्र टाकले आहे आणि म्हटले आहे.
‘‘तुझ्या येण्याची आतुरतेने वाट बघत आहोत, या जगात तुझे सहर्ष स्वागत असेल, थिओगी आणि आईबाबांकडून खूप साऱ्या शुभेच्छा!’’