अर्जेटिनाच्या सलामीच्या लढतीला मेस्सी मुकणार

अर्जेटिनाला २००७ मध्ये जेतेपदाने हुलकावणी दिली होती. ब्राझीलविरुद्ध ३-० अशा फरकाने त्यांना पराभूत व्हावे लागले होते, परंतु चार वर्षांनंतर अर्जेटिनाने भरारी घेत पुन्हा अंतिम फेरीत प्रवेश केला. यजमान चिलीने त्यांना कडवे आव्हान देत सामना पेनल्टी शूटआऊटमध्ये ताणला आणि त्यात ४-१ अशी बाजी मारून पहिल्यांदा कोपा स्पध्रेचा चषक उंचावला. या पराभवाचा वचपा काढण्याची संधी अर्जेटिनासाठी चालून आली, परंतु मेस्सीच्या अनुपस्थितीत त्यांना हे सहज शक्य नाही. गतवर्षीचा पराभव वगळता अर्जेटिनाने कोपा अमेरिका स्पध्रेत चिलीविरुद्ध खेळलेल्या २५ सामन्यांपैकी १९ मध्ये विजय मिळवले, तर सहा लढती अनिर्णित राहिल्या आहेत.

थेट प्रक्षेपण : सोनी इएसपीएन, सोनी इएसपीएन एचडी

सामन्याची वेळ : सकाळी ७:३० वाजल्यापासून