Latest Marathi News- Breaking News Today | Read Marathi Batmya from Maharashtra, India ब्रेकींग मराठी न्यूज at https://loksatta.com/

भारत विरुद्ध इंग्लंड पाच कसोटी सामन्यांच्या मालिकेत भारताने १-० ने आघाडी घेतली आहे. २५ ऑगस्टपासून हेंडिग्ले मैदानात तिसरा सामना खेळला जाणार आहे.

खांद्याच्या दुखापतीमुळे वेगवान गोलंदाज मार्क वूड सामना खेळणार नाही. (Photo: Reuters)

भारत विरुद्ध इंग्लंड पाच कसोटी सामन्यांच्या मालिकेत भारताने १-० ने आघाडी घेतली आहे. पहिला सामना पावसामुळे वाया गेल्यानंतर दुसरा कसोटी सामना भारताने जिंकला. आता दोन्ही संघ तिसऱ्या कसोटी सामन्यासाठी सज्ज आहेत. २५ ऑगस्टपासून हेंडिग्ले मैदानात हा सामना खेळला जाणार आहे. मात्र या सामन्यापूर्वी इंग्लंडच्या संघाला धक्का बसला आहे. खांद्याच्या दुखापतीमुळे वेगवान गोलंदाज मार्क वूड सामना खेळणार नाही. दुसऱ्या कसोटी सामन्याच्या चौथ्या दिवशी क्षेत्ररक्षण करताना वूडच्या खांद्याला दुखापत झाली होती. दरम्यान मेडिकल टीमच्या देखरेखीखाली लीड्समध्ये वूड संघासोबत असणार आहे.

दुसरीकडे टी २० मध्ये जागतिक क्रमवारीत अव्वल स्थानी असलेल्या डेविड मलानचं कसोटीत पुनरागमन झालं आहे. या व्यतिरिक्त वेगवान गोलंदाज साकिब महमूदला संघात स्थान मिळालं आहे. साकिबला तिसऱ्या कसोटी संघात संधी मिळण्याची शक्यता आहे. डेविड मलानने ऑगस्ट २०१८ मध्ये शेवटचा कसोटी सामना खेळला होता. त्याने आतापर्यंत खेळलेल्या १५ कसोटी सामन्यात त्याने २७.८ च्या सरासरीने ७२४ धावा केल्या आहेत. त्यात एका शतकाचा समावेश आहे. दुसरीकडे साकिबने आतापर्यंत एकही कसोटी सामना खेळलेला नाही. पाकिस्तानविरुद्ध तीन एकदिवसीय सामन्यांच्या मालिकेत त्याने ९ गडी बाद केले होते. ही मालिका इंग्लंडने ३-०ने जिंकली होती.

Wishing you a speedy recovery, @MAWood33!
#ENGvIND
— England Cricket (@englandcricket) August 23, 2021

इंग्लंडने संघातून जॅक क्रॉले, डॉम सिबली, जॅक लीच यांना बाहेरचा रस्ता दाखवला आहे. फलंदाज डॉम सिबली दोन कसोटी सामन्यात पूर्णपणे निष्फळ ठरला आहे. त्याने १४.२५ च्या सरासरीने फक्त ५७ धावा केल्या होत्या. लॉर्ड्समध्ये पहिल्या डावात त्याने ४४ चेंडूत ११ धावा, तर दुसऱ्या डावात त्याला खातंही खोलता आलं नाही. जॅक क्रॉलेला एका कसोटीत खेळण्याची संधी मिळाली. त्याने १६.५० च्या सरासरीने ३३ धावा केल्या होत्या. तर फिरकीपटू जॅक लीचला अंतिम अकरा खेळाडूत स्थान मिळालं नव्हतं.

This quiz is AI-generated and for edutainment purposes only.

तिसऱ्या कसोटीसाठी इंग्लंडचा संघ: जो रूट (कर्णधार), मोइन अली, जेम्स अँडरसन, जॉन बेअरस्टोस रोरी बर्न्स, जोस बटलर, सॅम करन, हसीब हमीद, डॅन लॉरेंस, साकिब महमूद, डेविड मलान, क्रेग ओव्हरटन, ओली पोप, ओली रॉबिन्सन, मार्क वूड

First published on: 23-08-2021 at 16:09 IST

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Mark wood not play third test against india due to injury rmt

Ind Vs Eng: दुखापतीमुळे इंग्लंडचा स्टार गोलंदाज तिसऱ्या कसोटी सामन्याला मुकणार