Asian Games 2023 Indian Cricket Team: आशियाई खेळ २०२३साठी चीनला जाण्यापूर्वी भारतीय क्रिकेट संघ बंगळुरू येथे प्रशिक्षण शिबिर घेणार आहे. पुढील आठवड्यापासून सुरू होणाऱ्या शिबिरात पुरुष आणि महिला दोन्ही संघ सहभागी होतील. भारतीय महिला क्रिकेट संघाचे शिबिर कमी दिवसांचे असेल कारण, ते चीनला लवकर जाणार आहेत. परंतु, ऋतुराज गायकवाड आणि कंपनीला एशियाड स्पर्धेच्या तयारीसाठी 2 आठवडे मिळतील. व्हीव्हीएस लक्ष्मण यांच्या मार्गदर्शनाखाली १२ सप्टेंबरपासून पुरुषांचे शिबिर सुरू होणार असून ते २४ सप्टेंबरपर्यंत चालणार आहे. दुसरीकडे, हरमनप्रीत कौर आणि कंपनीचा एक छोटे शिबिर असेल. हांगझूला जाण्यापूर्वी भारतीय १३ ते १६ सप्टेंबर या कालावधीत ४ दिवस सराव करतील. “आशियाई खेळांसारख्या क्रीडा स्पर्धेत अनुभव घेणाऱ्या अनेक खेळाडूंसाठी हे शिबिर मोलाचे ठरेल,” असे एका सूत्राने क्रिकबझला सांगितले. भारतीय संघ १७ सप्टेंबरला चीनला रवाना होत असताना हृषिकेश कांतीकर यांच्या मार्गदर्शनाखाली महिला संघाचे केवळ ४ दिवसांचे छोटे शिबिर होणार आहे. पुरुष सांघिक स्पर्धा खूप नंतरच्या तारखेला म्हणजे २६ सप्टेंबरला सुरू होईल आणि म्हणून ऋतुराज आणि त्याच्या संघाला बंगळुरूमध्ये १२ दिवसांचे सराव शिबिर मिळेल. महिलांचे सामने १९ सप्टेंबर ते २८ सप्टेंबर, तर पुरुषांचे सामने २६ सप्टेंबर ते ८ ऑक्टोबर या कालावधीत होणार आहेत. सर्व सामने टी२० फॉरमॅटमध्ये होतील. या स्पर्धेत पुरुष आणि महिला दोन्ही संघ थेट उपांत्यपूर्व फेरीपासूनच सहभागी होतील. महिला संघाची कर्णधार हरमनप्रीत कौरवर २ सामन्यांची बंदी घालण्यात आली असून भारताने अंतिम फेरी गाठल्यास ती संघासाठी खेळू शकते. गेम्स व्हिलेजमध्ये असलेल्या निर्बंधांमुळे, अतिरिक्त सदस्य आणि स्टँडबाय खेळाडूंना संघासोबत प्रवास करणे कठीण आहे. हेही वाचा: IND vs PAK Live, Asia Cup 2023: अंपायर्सने केले मैदानाचे परीक्षण, डकवर्थ लुईस अंतर्गत ओव्हर्समध्ये होणार कपात; किती असेल लक्ष्य पाकिस्तानला? आशियाई खेळ २०२३ साठी भारताचा संघ: पुरुष संघ : ऋतुराज गायकवाड (कर्णधार), यशस्वी जैस्वाल, राहुल त्रिपाठी, तिलक वर्मा, रिंकू सिंग, जितेश शर्मा (यष्टीरक्षक), वॉशिंग्टन सुंदर, शाहबाज अहमद, रवी बिश्नोई, आवेश खान, अर्शदीप सिंग, मुकेश कुमार, शिवम दुबे, शिवम मावी, प्रभसिमरन सिंग (यष्टीरक्षक). स्टँडबाय: यश ठाकूर, साई किशोर, व्यंकटेश अय्यर, दीपक हुडा, साई सुदर्शन. सपोर्ट स्टाफ: व्हीव्हीएस लक्ष्मण (मुख्य प्रशिक्षक), साईराज बहुतुले (गोलंदाजी प्रशिक्षक), मुनीष बाली (फिल्डिंग प्रशिक्षक), तुलसी राम युवराज (फिजिओ), एआय हर्षा (एसएंडसी प्रशिक्षक), नंदन माळी (मॅसियर), मारूफ फझंदर (लॉजिस्टिक्स) व्यवस्थापक ) आणि अशोक साध (प्रशिक्षण सहाय्यक). महिला संघ : हरमनप्रीत कौर (कर्णधार), स्मृती मंधांना (उपकर्णधार), शफाली वर्मा, जेमिमाह रॉड्रिग्ज, दीप्ती शर्मा, ऋचा घोष (यष्टीरक्षक), अमनजोत कौर, देविका वैद्य, अंजली सरवानी, तीतस साधू, राजेश्वरी माणिकवाड, मिनू गायकवाड, कनिका आहुजा, उमा छेत्री (यष्टीरक्षक), अनुषा बरेड्डी. स्टँडबाय: हरलीन देओल, काश्वी गौतम, स्नेह राणा, सायका इशाक, पूजा वस्त्राकर. हेही वाचा: IND vs PAK, Asia Cup 2023: मोठी बातमी! कोलंबोत पावसामुळे भारत-पाकिस्तान सामना स्थगित, राखीव दिवशी २४.१ ओव्हर्सपासून सुरु होणार सपोर्ट स्टाफ: हृषिकेश कानिटकर (मुख्य प्रशिक्षक), राजीव दत्ता (गोलंदाजी प्रशिक्षक), सुभदीप घोष (फिल्डिंग प्रशिक्षक), आनंद दाते (एस अँड सी प्रशिक्षक), विकास पंडित (लॉजिस्टिक्स मॅनेजर), क्रांती कुमार गोला (प्रशिक्षण सहाय्यक), नेहा कर्णिक ( फिजिओ) आणि आकांक्षा सत्यवंशी (फिजिओ).
