NZ vs SA, World Cup 2023: न्यूझीलंडने दक्षिण आफ्रिकेविरुद्ध नाणेफेक जिंकून घेतला गोलंदाजीचा निर्णय, पाहा दोन्ही संघांची प्लेइंग इलेव्हन

न्यूझीलंडचा कर्णधार टॉम लॅथमने नाणेफेक जिंकून प्रथम गोलंदाजी करण्याचा निर्णय घेतला आहे. या सामन्यात दोन्ही संघ प्रत्येकी एक बदल करून मैदानात उतरले आहेत. लॉकी फर्ग्युसनच्या जागी टीम साऊदीचे न्यूझीलंड संघात पुनरागमन झाले आहे. त्याचवेळी तबरेझ शम्सीच्या जागी कागिसो रबाडा दक्षिण आफ्रिकेच्या संघात परतला आहे.

महाराष्ट्र क्रिकेट असोसिएशनच्या या मैदानावर फिरकीपटूंना मोठी मदत मिळाली असून या जोरावर अफगाणिस्तानने श्रीलंकेवर सात गडी राखून विजय मिळवला होता. दक्षिण आफ्रिकेच्या क्विंटन डी कॉकने शेवटचा विश्वचषक खेळताना तीन शतकांसह ४३१ धावा केल्या आहेत. त्याचबरोबर रचिन रवींद्रने ४०६ धावा केल्या आहेत. त्याचे शॉट्स पाहण्यासारखे आहेत. त्याशिवाय तो एक चांगला स्पिनर असल्याने तो एक संघासाठी संपूर्ण पॅकेज आहे.

हेही वाचा – सचिन तेंडुलकरच्या पुतळ्याचे आज अनावरण! पाहा पहिली झलक, IND vs SL सामन्याआधी मोठा सोहळा

दुखापतग्रस्त रबाडाचे पुनरागमन –

तसेच दक्षिण आफ्रिकेकडे पॉवर हिटर हेनरिक क्लासेन असेल तर न्यूझीलंडकडे जिमी नीशम आहेत. डेव्हिड मिलर दक्षिण आफ्रिकेसाठी एक्स फॅक्टर आहे तर डॅरिल मिशेल न्यूझीलंडच्या फलंदाजीला खोली देतो. एडन मार्करामची तुलना ग्लेन फिलिप्सशी केली जाऊ शकते. कारण महान फलंदाज असण्याबरोबरच दोघेही चांगले फिरकीपटू आहेत. दोन्ही कर्णधार टेंबा बावुमा आणि टॉम लॅथम यांच्याकडेही विरोधी आक्रमण उद्ध्वस्त करण्याची क्षमता आहे. त्याचबरोबर वेगवान गोलंदाज कगिसो रबाडाचे पुनरागमन झाले आहे. रबाडाची उपस्थिती प्रतिस्पर्धी संघाला घाबरवण्यासाठी पुरेशी आहे.

दोन्ही संघांची प्लेइंग इलेव्हन –

दक्षिण आफ्रिका: क्विंटन डी कॉक (यष्टीरक्षक), टेम्बा बावुमा (कर्णधार), रॅसी व्हॅन डर डुसेन, एडन मार्कराम, हेनरिक क्लासेन, डेव्हिड मिलर, मार्को जेनसेन, जेराल्ड कोएत्झी, केशव महाराज, कागिसो रबाडा, लुंगी एनगिडी.

न्यूझीलंड: डेव्हॉन कॉनवे, विल यंग, ​​रचिन रवींद्र, डॅरिल मिशेल, टॉम लॅथम (यष्टीरक्षक/कर्णधार), ग्लेन फिलिप्स, जेम्स नीशम, मिचेल सँटनर, मॅट हेन्री, टिम साउथी, ट्रेंट बोल्ट.