धरमशाला : बांगलादेश आणि अफगाणिस्तान हे धक्कादायक निकाल नोंदवण्यात सक्षम असलेले संघ आज, शनिवारी एकदिवसीय विश्वचषक क्रिकेट स्पर्धेत आमनेसामने येणार आहे. या सामन्यात बांगलादेशचा कर्णधार शाकिब अल हसन आणि अफगाणिस्तानचा फिरकीपटू रशीद खान यांच्यातील द्वंद्वावर चाहत्यांचे लक्ष असेल.
मर्यादित षटकांच्या क्रिकेटमध्ये बांगलादेशच्या संघाने प्रतिस्पध्र्याना नेहमीच आव्हान दिले आहे. तुलनेने अफगाणिस्तानचा संघ उशिराने उदयास आला असला, तरी त्यांना कमी लेखण्याची चूक अन्य संघ करणार नाहीत. सध्याच्या घडीला बांगलादेश आणि अफगाणिस्तान हे तुल्यबळ संघ दिसतात.
हेही वाचा >>>ENG vs NZ: इंग्लंडच्या पराभवानंतर वीरेंद्र सेहवागने घेतला यू-टर्न; म्हणाला, “आता माझी भविष्यवाणी…”
विश्वचषकाला सुरुवात होण्यापूर्वी शाकिब आणि तमिम इक्बाल या बांगलादेशच्या आजी-माजी कर्णधारांमधील वादाची बरीच चर्चा झाली. मात्र, आता हा वाद मागे टाकत क्रिकेटवर लक्ष केंद्रित करण्याचा बांगलादेश संघाचा प्रयत्न असेल.
अफगाणिस्तान
’ फिरकी गोलंदाजी ही अफगाणिस्तानची जमेची बाजू आहे. त्यांच्याकडे रशीद खान, मोहम्मद नबी, मुजीब उर रहमान आणि नूर अहमद यांसारखे प्रतिभावान फिरकी गोलंदाज आहेत.
’अफगाणिस्तानच्या फलंदाजीची भिस्त रहमनुल्ला गुरबाझ, कर्णधार हशमतुल्ला शाहिदी, इब्राहिम झादरान, रहमन शाह यांच्यावर असेल. अखेरच्या षटकांत नबीची कामगिरीही महत्त्वाची ठरेल.
हेही वाचा >>>PAK vs NED: पाकिस्तानने विश्वचषकाची विजयाने केली सुरुवात, पहिल्याच सामन्यात नेदरलँड्सचा ८१ धावांनी उडवला धुव्वा
बांगलादेश
’शाकिबची जागतिक क्रिकेटमधील सर्वोत्तम अष्टपैलू खेळाडूंमध्ये गणना केली जाते. फलंदाजी आणि गोलंदाजी या दोन्हीत शाकिबला योगदान द्यावे लागेल.
’ बांगलादेशकडे गुणवान गोलंदाज आहेत. गोलंदाजीत शाकिबला मुस्तफिझूर रहमान, तस्किन अहमद, शोरिफूल इस्माल आणि मेहिदी हसनची साथ लाभेल.
’ फलंदाजीची मदार शाकिबसह लिटन दास, नजमुल शांटो, महमदुल्ला आणि मुशफिकूर रहीम यांच्यावर असेल.
वेळ : सकाळी १०.३० वा.
