PAK vs BAN Test: आऊट की नॉट आऊट? तिसऱ्या पंचांच्या निर्णयावरून वाद, ड्रेसिंग रूममध्ये पाकिस्तानच्या कर्णधाराने काय केलं? पाहा VIDEO

हेही वाचा – ICC Test Rankings: ICC ने जाहीर केलेल्या ताज्या क्रमवारीत भारताच्या खेळाडूंचा दबदबा, अश्विन-जडेजा पहिल्या स्थानी तर रोहित-विराट…

पाकिस्तानच्या फलंदाजीची सुरूवात फारच खराब झाली. दोन्ही सलामीवीर आणि महत्त्वाचा फलंदाज असलेला बाबर आझम स्वस्तात बाद झाला. हसन महमूदने प्रथम पाकिस्तानचा सलामीवीर अब्दुल्ला शफीकला २ धावांवर झाकीर हसनकरवी झेलबाद केले. यानंतर शरीफुल इस्लामने पाकिस्तानचा कर्णधार शान मसूदला लिटन दासकडे झेलबाद करून पाकिस्तानला आणखी एक धक्का दिला. तर पाकिस्तानचा माजी कर्णधार बाबर आझम आपले खातेही उघडू शकला नाही. मात्र, या सामन्याच्या पहिल्याच दिवशी पाकिस्तानचा कर्णधार शान मसूदला ज्या पद्धतीने आऊट देण्यात आले, त्यामुळे वाद निर्माण झाला आहे.

हेही वाचा – Gautam Gambhir: गौतम गंभीरने निवडली ऑल टाईम इलेव्हन; पाकिस्तानच्या तीन खेळाडूंना मिळालं स्थान

नाणेफेक गमावल्यानंतर पाकिस्तानी संघ प्रथम फलंदाजीला आला आणि दुसरा धक्का शान मसूदच्या रूपाने बसला. पहिल्या दिवसाच्या सातव्या षटकातील चौथ्या चेंडूवर शान मसूदला झेलबाद देण्यात आले. शरीफुल इस्लामचा चेंडू हा शॉट ऑफ लेन्थ डिलीव्हरी होता. हा आत आलेला चेंडूवर मसूदने बचाव करण्याचा प्रयत्न केला. पण बॅट आणि पॅडला चेंडू लागत थेट यष्टीरक्षकाच्या ग्लोव्हजमध्ये गेला. बांगलादेशच्या खेळाडूंनी यावर जोरदार अपील केले, परंतु मैदानावरील पंचांनी त्याला बाद आऊट दिले नाही, त्यानंतर बांगलादेशचा कर्णधार शांतोने रिव्ह्यू घेण्याचा निर्णय घेतला.

हेही वाचा – BCCI Earnings: IPL 2023 मुळे BCCI मालामाल, तब्बल ५,१२० कोटी रुपयांची रेकॉर्डब्रेक कमाई, पण GST तब्बल…

बांगलादेशने रिव्ह्यू घेतला आणि त्यामध्ये दिसून आले की अल्ट्राएजवर स्पाइक आहे. पण हा स्पाइक चेंडू बॅट जवळून गेल्यानंतर फ्रेमवर आली होती. मात्र, तरीही थर्ड अंपायरने शान मसूदला बाद घोषित केले. अंपायरच्या या निर्णयाने शान मसूद नाखूश होता, पण त्याला माघारी जावे लागले. ड्रेसिंग रुममध्ये पोहोचल्यानंतर पाकिस्तानी कर्णधार प्रशिक्षकाला हीच गोष्ट सांगताना दिसला. जर आपण एलबीडब्ल्यूबद्दल बोललो, तर चेंडू इम्पॅक्ट ऑफच्या बाहेर होता, अशा परिस्थितीत एलबीडब्ल्यू आऊट होण्याचा प्रश्नच उद्भवत नाही.

पाकिस्तान-बांगलादेश पहिल्या कसोटी सामन्यातमायकल गॉफ थर्ड अंपायर होते. या निर्णयामुळे थर्ड अंपायर मायकल गॉफ पाकिस्तानी चाहत्यांच्या निशाण्यावर आहेत. कदाचित त्यांनी निकाल देण्याची थोडी घाई केली असं चाहत्यांच म्हणणं आहे. नंतर शान मसूद ड्रेसिंग रूममध्ये त्याच्या बाद झाल्याचा रिप्ले पाहताना दिसला.