IND vs ENG: ऋषभ पंतला महागात पडली ‘ही’ चूक, शोएब बशीरने बाद केल्यावर रागात आपटलं हेल्मेट अन्…; VIDEO व्हायरल

ऋषभ पंत करूण नायर बाद झाल्यानंतर फलंदाजीला उतरला. करूणने चांगली सुरूवात केली पण तो मोठी खेळी करण्यात अपयशी ठरला. करूण ३१ धावा करत माघारी परतला. यानंतर गिल आणि पंतने संघाचा डाव सावरला. दोघांनी अर्धशतकी भागीदारी रचत इंग्लंडच्या गोलंदाजांविरूद्ध चांगली फलंदाजी करत आहे.

दरम्यान ऋषभ पंत त्याच्या आक्रमक फटकेबाजीसाठी ओळखला जातो, त्याप्रमाणे तो खेळत होता. शोएब बशीरच्या गोलंदाजीवर त्याने पहिल्या कसोटीतही शानदार फटके खेळले होते. तर दुसऱ्या कसोटीतही त्याने तीच रणनिती कायम ठेवली. पंतने सामन्यातील पहिला षटकार शोएबच्या गोलंदाजीवर खेचला. पंत जसा त्याच्या आक्रमक फटकेबाजीसाठी ओळखला जातो, त्याचप्रमाणे तो असे विचित्र फटके खेळत बादही होतो आणि या सामन्यातही तो तसाच बाद झाला.

शोएब बशीर ६१व्या षटकात पुन्हा गोलंदाजीला आला. फिरकीपटू शोएब गोलंदाजीला आल्याचे पाहताच ऋषभ पंतने मोठा फटका खेळण्यासाठी बॅट फिरवली. पंतने मोठा फटका खेळला होता, पण चेंडू सीमारेषेच्या आत होता. त्या ठिकाणी कोणता फिल्डर तैनात केलेला नव्हता. पण चेंडू त्या दिशेने येत आहे पाहून क्रॉली धावत तिथे पोहोचला आणि अचूक झेल टिपला. यासह पंत बशीरच्या पहिल्याच चेंडूवर झेलबाद झाला.

ऋषभ पंतने मोठा फटका खेळण्याच्या नादात स्वत:च्या पायावरच कुऱ्हाड मारून घेतली आणि झेलबाद झाला. यानंतर पंत निराश होत पॅव्हेलियनच्या दिशेने परतला. ड्रेसिंग रूमच्या पायऱ्या चढल्यानंतर त्याने हातातील हेल्मेट तिथे असलेल्या खुर्चीवर आदळलं आणि आपला राग व्यक्त केला. याचा व्हीडिओ सध्या व्हायरल होत आहे.

– Bashir gets Rishabh pant

– Chris Waokes cleans up Nitish Kumar Reddy

– India lost 2 wickets in 2 Overs at Edgbaston vs England.!!!

pic.twitter.com/tygQk0hJzW

This quiz is AI-generated and for edutainment purposes only.

— MANU. (@IMManu_18) July 2, 2025

पहिल्या कसोटीतील दोन्ही डावात ऋषभ पंतने शतक झळकावत मोठा विक्रम केला होता. पंत हा अँडी फ्लॉवर यांच्यानंतर कसोटीच्या दोन्ही डावांमध्ये शतक करणारा फक्त दुसरा यष्टीरक्षक फलंदाज ठरला. दुसऱ्या डावात पंत ४२ चेंडूत १ चौकार आणि एका षटकारासह २५ धावा करत बाद झाला.