IND vs AUS: ऋषभ पंतने वादळी अर्धशतकासह घडवला इतिहास, ऑस्ट्रेलियात ‘ही’ कामगिरी करणारा जगातील पहिला फलंदाज

सिडनी कसोटीच्या दुसऱ्या डावात ऋषभ पंतने वादळी फलंदाजी करत अवघ्या २९ चेंडूत अर्धशतक झळकावले. आता पंत ऑस्ट्रेलियात सर्वात जलद कसोटी अर्धशतक करणारा प्रतिस्पर्धी संघाचा पहिलाच फलंदाज ठरला आहे. यापूर्वी हा विक्रम इंग्लंडच्या जॉन ब्राउन आणि वेस्ट इंडिजच्या रॉय फ्रेडरिक्स यांच्या नावावर होता, ज्यांनी ऑस्ट्रेलियाच्या भूमीवर कसोटी क्रिकेटमध्ये ३३ चेंडूत अर्धशतक ठोकले होते. पण आता ऋषभ पंतने आता यांना मागे टाकलं आहे.

हेही वाचा – IND vs AUS: “ओए कॉन्टास, काय झालं रे..?” यशस्वी जैस्वालने कॉन्स्टासला चिडवलं, चुकीचं नाव घेत अशी घेतली फिरकी; VIDEO व्हायरल

ऋषभ पंत फलंदाजीसाठी क्रीझवर आला तेव्हा टीम इंडियाने ७८ धावांवर ४ विकेट गमावल्या होत्या. यानंतर ऋषभ पंतने दमदार फटकेबाजी करत ऑस्ट्रेलियाच्या प्रत्येक गोलंदाजाची धुलाई केली. या सामन्यात ऋषभ पंतने ३३ चेंडूत ६ चौकार आणि ४ षटकारांच्या मदतीने ६१ धावांची खेळी केली आहे. कसोटी क्रिकेटच्या इतिहासात भारताकडून हे दुसरे सर्वात जलद अर्धशतक आहे. याआधी पंतने २०२२ मध्ये श्रीलंकेविरुद्ध २८ चेंडूत अर्धशतक झळकावले होते. जे भारताच्या फलंदाजाने झळकावलेले सर्वात जलद अर्धशतक आहे.

हेही वाचा – Rohit Sharma: “मी दोन मुलांचा बाप आहे, मला कळतं…”, रोहित शर्मा निवृत्तीच्या चर्चांबद्दल बोलताना वैतागला; नेमकं काय म्हणाला?

ऋषभ पंतचं कसोटी क्रिकेटमधील हे दुसरे सर्वात जलद अर्धशतक आहे. याआधी २०२२ मध्ये पंतने श्रीलंकेविरुद्ध कसोटी क्रिकेटमध्ये केवळ २८ चेंडूत अर्धशतक झळकावले होते. कसोटी क्रिकेटमध्ये सर्वात जलद अर्धशतक झळकावणारा पंत हा पहिला भारतीय फलंदाज आहे. याशिवाय यशस्वी जैस्वाल आणि शार्दुल ठाकूर यांनी कसोटी क्रिकेटमध्ये ३१ चेंडूत अर्धशतकं झळकावली आहेत. १९८२ मध्ये टीम इंडियाचे माजी दिग्गज कर्णधार कपिल देव यांनी भारतासाठी पहिल्यांदाच सर्वात वेगवान अर्धशतक झळकावण्याचा पराक्रम केला होता. कपिल देव यांनी पाकिस्तानविरुद्ध ३० चेंडूत अर्धशतक झळकावले होते.

हेही वाचा – IND vs AUS : प्रसिध कृष्णाचं जबरदस्त कमबॅक! ॲलेक्स कॅरीचा उडवला त्रिफळा, VIDEO होतोय व्हायरल

ग

कसोटी क्रिकेटमध्ये सर्वात जलद अर्धशतक करणारे फलंदाज

२८ चेंडू – ऋषभ पंत वि श्रीलंका (बंगळुरू २०२२)
२९ चेंडू – ऋषभ पंत वि ऑस्ट्रेलिया (सिडनी २०२५)
३० चेंडू – कपिल देव वि पाकिस्तान (कराची १९८२)
३१ चेंडू – शार्दुल ठाकूर वि इंग्लंड (ओव्हल २०१९)
३१ चेंडू – यशस्वी जैस्वाल वि बांगलादेश (कानपूर २०२४)