भारताच्या रोहन बोपण्णाने त्याचा फ्रान्सचा जोडीदार इडोर्ड रॉजर-वेसलीन याच्या साथीने विम्बल्डन टेनिस स्पर्धेतील पुरूष दुहेरीच्या उपांत्य फेरीत प्रवेश केला आहे. त्याचबरोबर लिअँडर पेसनेही रेडेक स्टेपनाकच्या साथीने उपांत्य फेरी गाठली आहे. बोपण्णाची ग्रँडस्लॅम स्पर्धेच्या उपांत्य फेरीत प्रवेश करण्याची ही तिसरी वेळ आहे. बोपण्णा-इडोर्ड जोडीने रॉबर्ट लिडस्टेड आणि डॅनियल नेस्टर या जोडीचा ७-५, ७-६(३), ६-७(४), ६-७(३), ६-२ असा पाच सेटमध्ये पराभव केला. तर बोपण्णा व वेसलीनने मागील फेरीत अलेक्झांडर पेया आणि ब्रुनो सोरेस यांचा पराभव केला होता.