भारताच्या बहुप्रतिक्षित इंग्लंड दौऱ्याला सुरूवात झाली आहे. भारताच्या पहिल्या कसोटीत आयपीएल २०२५ मधील उत्कृष्ट फलंदाज ठरलेल्या साई सुदर्शनला पदार्पणाची संधी मिळाली. पण पदार्पणाच्या पहिल्याच सामन्यातील पहिल्या डावात तो शून्यावर बाद झाला. इंग्लंडच्या संघाने सापळा रचत त्याची पहिली विकेट मिळवली.
भारतीय संघाने नाणेफेक गमावत फलंदाजीला उतरल्यानंतर पहिल्या सामन्यात चांगली सुरूवात केली. राहुल आणि यशस्वी जैस्वालच्या जोडीने ९१ धावांची महत्त्वपूर्ण भागीदारी रचली. पण लंचब्रेकच्या आधी भारताने राहुलची महत्त्वाची विकेट गमावली. केएल राहुल ४२ धावा करत स्लिपमध्ये जो रूटकरवी झेलबाद झाला. राहुलच्या विकेटनंतर साई सुदर्शन फलंदाजीला आला. लंचला अवघी काही मिनिटं बाकी असताना तो झेलबाद झाला आणि भारताने पहिली विकेट गमावली.
भारताचा साई सुदर्शन हा कसोटी पदार्पणात शून्यावर बाद झालेल्या भारतीय खेळाडूंच्या यादीत सामील झाला. गेल्या १४ वर्षांच्या भारताच्या कसोटी इतिहासात कसोटी पदार्पणात शून्यावर बाद होणारा साई पहिलाच खेळाडू ठरला आहे. साईला तिसऱ्या क्रमांकावर फलंदाजीची संधी मिळाली होती. पण पहिल्याच सामन्यात तो इंग्लंडच्या सापळ्यात अडकला.
इंग्लंडने सापळा रचला होता. राहुलची विकेट गेल्यानंतर स्टोक्स गोलंदाजीला आला. स्टोक्सने लेग स्लिपबरोबर गलीमध्येही फिल्डर उभा केला. त्याने सुदर्शनच्या पायात चेंडू टाकला आणि चेंडू खेळण्याच्या प्रयत्नात यष्टिरक्षक जेमी स्मिथने त्याचा झेल टिपत त्याला झेलबाद केलं.
स्टोक्सने या सामन्यात प्रथम गोलंदाजी करण्याचा निर्णय कदाचित हेडिंग्लेच्या खेळपट्टीमुळे घेतला असावा. कारण ही खेळपट्टी गेल्या दशकभरात फलंदाजीसाठी अनुकूल ठरली आहे आणि सामन्याच्या पहिल्या सत्रातच तेच दिसून आलं. इंग्लंडच्या आक्रमणात जेम्स अँडरसन किंवा स्टुअर्ट ब्रॉड नव्हते, ज्याची उणीव इंग्लंड संघाला पहिल्याच सत्रात भासल्याचे दिसत होते. कारण भारतीय फलंदाज या गोलंदाजी युनिटसमोर सहज फलंदाजी करताना दिसत आहेत.
कसोटी पदार्पणात शून्यावर बाद झालेले भारतीय खेळाडू
चंदू सरवटे वि. इंग्लंड, १९४६
जेके इरानी वि. ऑस्ट्रेलिया, १९४७
एस ए बॅनर्जी वि. वेस्ट इंडिज, १९४८
गुलाम अहमद वि. वेस्ट इंडिज, १९४८
एस पी गुप्ते वि. इंग्लंड, १९५१
जी एस रामचंद्र वि. इंग्लंड, हेडिंग्ले
जसूभाई पटेल वि. पाकिस्तान, १९५५
व्ही एम मुद्दीआ वि. ऑस्ट्रेलिया, १९५९
बीएस चंद्रशेखर वि. इंग्लंड, १९६०
युएन कुलकर्णी वि. ऑस्ट्रेलिया, १९६७
ईडी सोलकर वि. न्यूझीलंड, १९६९
गुंडप्पा विश्वनाथ वि. ऑस्ट्रेलिया, १९७९
कृष्णमचारी श्रीकांत वि. इंग्लंड, १९८१
मनिंदर सिंग वि. पाकिस्तान, १९८२
राशीद पटेल वि. न्यूझीलंड, १९८८
विवेक राझदान वि. पाकिस्तान, १९८९
