सायना, सिंधू उपांत्यपूर्व फेरीत

भारताची फुलराणी सायना नेहवालसह एच. एस. प्रणॉय, पी. व्ही. सिंधू यांनी न्यूझीलंड बॅडमिंटन स्पर्धेत उपांत्यपूर्व फेरीत आगेकूच केली. अव्वल मानांकित सायनाने क्रिस्तिना गॅव्हनहोल्टवर २१-१८, २१-१७ असा विजय मिळवला. सिंधूने तैपेईच्या पाई यु पो हिला २१-१६, २१-१६ असे नमवले. प्रणॉयने राजीव ओस्युफवर २१-१३, २१-१८ अशी मात केली. चोयू तिआन चेनने बी. साईप्रणीतचा २१-१९, २१-१६ असा पराभव केला. तांगसाओक सेइनबुनसुकने समीर वर्माला २१-१५, २१-१९ असे नमवले. दुहेरी प्रकारात तीन जोडय़ांनी उपांत्यपूर्व फेरी गाठली.