यंदाच्या इंडियन प्रीमियर लीगच्या (आयपीएल) सातव्या मोसमातील स्पर्धा भारतात न होता दक्षिण आफ्रिकेत होण्याची शक्यता आहे. कारण, आयपीएल स्पर्धेच्या तारखा देशातील सार्वत्रिक निवडणुकांच्या दरम्यानच येत आहेत. त्यामुळे सुरक्षेचा प्रश्न निर्माण होईल यापार्श्वभूमीवर यावेळीच्या आयपीएल स्पर्धा देशाबाहेर होण्याची चिन्हे आहेत.
आयपीएल स्पर्धेचे आयोजन ९ एप्रिल ते ३ जून दरम्यान होणार आहेत. त्यामुळे स्पर्धेच्या ठिकाणाबाबत येत्या काही दिवसांत निर्णय घेतला जाण्याची शक्यता आहे. त्यात निवडणुकाही जवळ आल्याने आयपीएलसाठी दक्षिण आफ्रिकेचा पर्याय प्रकर्षाने पुढे आला आहे.