न्यूझीलंडचा खेळाडू म्हणतो, वन-डे सामन्यात सुपर ओव्हरची गरज नाही !

“वन-डे सामन्यात सुपर ओव्हरच्या नियमाबद्दल मी अजुनही साशंक आहे. गेली अनेक वर्ष वन-डे क्रिकेट सुरु आहे, त्यामुळे एखादा सामना जर बरोबरीत सुटणार असेल तर त्याला बरोबरीत सुटू द्यावं. माझी याला काही हरकत नाही. टी-२० क्रिकेट हा झटपट आटोपणारा सामना आहे, आणि त्यात सुपर ओव्हरचा नियम समजू शकतो. पण माझ्या मते वन-डे क्रिकेटमध्ये या नियमाची गरज नाही. एखादा अंतिम सामना बरोबरीत सुटल्यास दोन्ही संघांना विजेतेपद विभागून देता येईल.” टेलरने आपलं मत स्पष्ट केलं.

विश्वचषकाच्या अंतिम सामन्यादरम्यान मी पंचांशी हात मिळवायला गेलो होतो, पण नंतर मला समजलं की सुपर ओव्हर खेळवणार आहे. वन-डे क्रिकेटमध्ये १०० षटकांनंतर जर सामन्याचा निकाल बरोबरीत लागणार असेल तर दोन्ही संघ तितकेच तुल्यबळ आहेत. यावर अनेकांची वेगळी मतं असू शकतात. पण माझ्या मते सामना बरोबरीत सुटत असल्यास विजेतेपद विभागून देणं हा योग्य पर्याय आहे. २०१९ वन-डे विश्वचषकानंतर न्यूझीलंडच्या संघाला सोशल मीडियावर चाहत्यांनी सहानुभूती दर्शवली होती.