scorecardresearch

Premium

LLC 2023 : “मैदानावर त्याने जे शब्द वापरले, ते मी…”, गौतम गंभीरशी झालेल्या वादावर श्रीसंतने दिली प्रतिक्रिया, पाहा VIDEO

Gambhir Sreesanth Controversy : एलएलसी २०२३ च्या एलिमिनेटर सामन्यादरम्यान एस श्रीसंत आणि गौतम गंभीर यांच्यात बाचाबाची झाली. यानंतर श्रीसंत एक व्हिडिओ पोस्ट करत गंभीरबद्दल बरेच काही बोलला आहे.

Gambhir Sreesanth Controversy in LLC 2023 Match
श्रीसंतने व्हिडीओ शेअर करत गौतम गंभीरशी झालेल्या वादाचा खुलासा केला (फोटो-लोकसत्ता ग्राफिक्स टीम)

Sreesanth shared a video and revealed the controversy with Gautam Gambhir : दोन माजी भारतीय क्रिकेटपटू गौतम गंभीर आणि श्रीसंत लिजेंड्स लीग क्रिकेटमधील लाइव्ह सामन्यादरम्यान भिडले. बुधवारी, सुरतमध्ये या लीगच्या एलिमिनेटर सामन्यात गुजरात जायंट्स आणि इंडिया कॅपिटल्सचे संघ आमनेसामने होते. गंभीर कॅपिटल्सचा कर्णधार आहे, तर श्रीसंत गुजरातचा गोलंदाज आहे. या सामन्यादरम्यान गंभीर आणि श्रीसंत यांच्यात जोरदार वादावादी झाली. इतकेच नाही तर सामन्यानंतर श्रीसंतने सोशल मीडियावर एक व्हिडिओही शेअर केला आहे.

श्रीसंत आणि गौतम यांच्यात झाला वाद –

लालाभाई कॉन्ट्रॅक्टर स्टेडियमवर झालेल्या एलिमिनेटर सामन्यात गुजरात जायंट्स आणि इंडिया कॅपिटल्सचे संघ आमनेसामने होते. सामन्याच्या दुसऱ्या षटकात गौतम गंभीर स्ट्राइकवर असताना ही घटना घडली. वेगवान गोलंदाज एस श्रीसंत पहिले षटक टाकण्यासाठी आला होता. गंभीरने श्रीसंतचा पहिला चेंडू सीमारेषेच्या बाहेर पाठवत षटकार मारला. त्यानंतर पुढच्या चेंडूवर चौकार मारला. पुढचा चेंडू डॉट होता. यानंतर श्रीसंतने निराशेने गंभीरकडे पाहत काही शब्द बोलल्याचे व्हिडीओमध्ये दिसत आहे.

Sunil Gavaskar Big Statement About Virat Kohli
Virat Kohli : ‘…तो आयपीएलही खेळणार नाही’, किंग कोहलीबद्दल सुनील गावसकरांचं मोठं वक्तव्य
Babar Azam warning to throw a bottle Video Viral
Babar Azam : प्रेक्षकांच्या ‘झिम्बाबर-झिम्बाबर’च्या घोषणांनी बाबर संतापला, बाटली फेकून मारण्याचा दिला इशारा, पाहा VIDEO
Manoj Tiwary vs Gautam Gambhir controversy Updates
Manoj Tiwary : ‘तू मॅचनंतर बाहेर भेट, आज तू गेलास…’, गौतम गंभीरशी झालेल्या वादावर मनोज तिवारीचा मोठा खुलासा
MS Dhoni jersey number
“त्या दिवशी आई-वडिलांनी…”, धोनीने सांगितलं ७ नंबरची जर्सी का निवडली? चाहत्यांकडून ‘Thala for a reason’चा ट्रेंड

याला प्रत्युत्तर म्हणून गंभीरने या वेगवान गोलंदाजाकडे रोखून हातवारे केले. हा वाद इथेच थांबला नाही. एका चाहत्याने स्टँडवरून रेकॉर्ड केलेला व्हिडीओ सोशल मीडियावर पोस्ट केला आहे, हा व्हिडीओ कॅपिटल्सचा फलंदाज बाद झाल्यानंतरचा आहे. त्या ब्रेकदरम्यान गंभीर आणि श्रीसंतमध्ये पुन्हा शाब्दिक वाद झाल्याचे दिसत आहे.

हेही वाचा – LLC 2023 : लाइव्ह सामन्यात गौतम गंभीर आणि श्रीसंत भिडले, वादाचा VIDEO सोशल मीडियावर व्हायरल

श्रीसंतने गौतमवर केले गंभीर आरोप –

या व्हिडीओमध्ये श्रीसंत असे म्हणताना ऐकू येत आहे की, “मिस्टर फायटरसोबत काय घडले याबद्दल मला काही स्पष्ट करायचे होते. मिस्टर फायटर विनाकारण त्याच्या सर्व सहकाऱ्यांशी भांडतो. तो त्याच्या वरिष्ठांचाही आदर करत नाही, अगदी वीरू भाई (सेहवाग)चाही नाही. आजही तेच घडले. कोणतीही चिथावणी न देता तो माझ्याशी काहीतरी बोलत राहिला, जे अत्यंत असभ्य होते. त्याने त्या गोष्टी बोलायला नको होत्या.”

या सामन्यादरम्यान गंभीर मला काय म्हणाला ते मी उघड करणार असल्याचे श्रीसंतने सांगितले. या शब्दांमुळे त्याचे आणि त्याच्या कुटुंबाचे मन दुखावल्याचे त्याने सांगितले. तो म्हणला, “येथे माझी चूक नव्हती. मला फक्त गोष्टी साफ करायच्या होत्या. मिस्टर गौतीने काय केले ते आज ना उद्या समोर येईल. क्रिकेटच्या मैदानावर त्याने जे शब्द वापरले, ते मी सहन करु शकत नाही. माझ्या कुटुंबाने, माझ्या राज्याने खूप काही पाहिले आहे. तुमच्या पाठिंब्याने मी ही लढाई लढली आहे. आता लोक मला विनाकारण अपमानित करण्याचा प्रयत्न करत आहेत. त्याने अशा काही गोष्टी बोलल्या, ज्या बोलायला नको होत्या. तो जे काही बोलला ते मी तुम्हाला नक्कीच सांगेन.”

हेही वाचा – ‘Handling the Ball’ म्हणजे काय? मुशफिकुर रहीमच्या विकेटवरून गोंधळ; जाणून घ्या आयसीसीचा संपूर्ण नियम

श्रीसंतने विराट-गंभीर वादावरही प्रतिक्रिया दिली –

श्रीसंतने येथे गंभीर आणि कोहली यांच्यातील वादावरही प्रतिक्रिया दिली. तो म्हणाला, “आपल्याच सहकाऱ्यांचा आदर करत नाही, तर लोकांचे प्रतिनिधित्व कसे करणार. प्रसारणादरम्यानही जेव्हा त्याला विराटबद्दल विचारले जाते, तेव्हा तो काहीच बोलत नाही. तो वेगळ्याच गोष्टीबद्दल बोलतो. आता मला एवढेच सांगायचे आहे की मी खूप दुःखी आहे, माझे कुटुंब, माझे प्रियजन दुःखी आहेत. मी त्याच्यासाठी कोणताही अपशब्द वापरला नाही. तो सतत काही ना काही बोलत राहिला.”

Latest Comment
View All Comments
Post Comment

मराठीतील सर्व क्रीडा, वर्ल्डकप २०२३ बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Sharing the video sreesanth said that gautam gambhir does not respect his colleagues how can he represent the people vbm

First published on: 07-12-2023 at 11:59 IST

संबंधित बातम्या

तुम्ही या बातम्या वाचल्या आहेत का? ×