Shikhar Dhawan: “फॅन वाले बाबा की..”, शिखर धवनलाही ‘लड्डू मुत्त्या’ ट्रेंडची पडली भुरळ, Video वर कमेंट्सचा पाऊस

कर्नाटकातील चमत्कारी बाबा लड्डू मुत्याचे अनेक भक्त आहेत. पण आता आणखी एक व्यक्ती हाताने फिरणारा पंखा थांबवून लोकांचे लक्ष वेधून घेत आहे, ज्याला लोक आधुनिक लड्डू मुत्या बाबा म्हणत आहेत. शिखर धवनने एका व्हिडिओद्वारे या आधुनिक लड्डू मुत्या बाबाची खिल्ली उडवली आहे.

हेही वाचा – IND vs NZ: रविचंद्रन अश्विनचा WTC इतिहासात मोठा पराक्रम, नॅथन लायनचा रेकॉर्ड मोडत ठरला नंबर वन गोलंदाज

या व्हिडिओमध्ये शिखर धवन खुर्चीवर बसला असून ती खुर्ची तीन लोकांनी उचलली आहे.. मग धवन हळू हळू तो फिरणारा पंखा हाताने थांबवतो. यानंतर तो दोन जणांना आशीर्वाद देत त्यांना शांत करतो. धवनचा अभिनय पाहून चाहत्यांनी त्यांचं खूप कौतुक केलं. शिखर धवनने या व्हिडिओला कॅप्शन दिले आहे, “पंखा वाले बाबा की जय हो”.

आधुनिक लड्डू मुत्या बाबा हाताने फिरणारा पंखा थांबवत त्याच हाताने सर्वांना आशीर्वाद देतानाचे व्हिडिओ सोशल मीडियावर व्हायरल झाले आहेत. याच ट्रेंडिंग व्हीडिओवरून शिखर धवनने हा व्हीडिओ बनवून शेअर केला आहे. शिखर धवनच्या या व्हीडिओवर चाहत्यांनी लाईक्स आणि कमेंट्सचा वर्षाव केला आहे.

हेही वाचा – Highest T20I Total: झिम्बाब्वेचा टी-२० मध्ये विश्वविक्रम! १२० चेंडूत ३४४ धावा, ३० चौकार आणि २७ षटकार; धावांचा महापूर

शिखर धवनने याआधीही असे अनेक व्हीडिओ शेअर केले होते, जे चांगलेच व्हायरल झाले होते. या व्हीडिओमध्ये तो आपल्या कुटुंबाबरोबर डान्स आणि मस्ती करताना दिसतो. हल्लीच त्याने ख्रिस गेलबरोबर डान्स करतानाचा एक व्हीडिओ शेअऱ केला होता. कधी तो वडिलांबरोबर मस्ती करताना तर कधी मित्रांबरोबर व्हिडिओ बनवताना दिसतो. भारताच्या विजयानंतरही आनंद साजरा करताना त्याने ड्रेसिंग रूममधील व्हीडिओही शेअर केले होते.