शेतकऱ्याचा मुलगा झाला ५० कोटींचा मालक! शेतात क्रिकेटचे धडे गिरवणारा शुबमन गिल कुठून कमावतो इतका पैसा?

Shubman Gill Birthday: भारताचा कसोटी कर्णधार शुबमन गिल आज त्याचा २६वा वाढदिवस साजरा करत आहे. गिलची संपत्ती आणि त्याची कमाई याबद्दल जाणून घेऊया.

Shubman Gill Birthday Indian Test Captain Networth Salary income

शुबमन गिल नेटवर्थ (फोटो-Shubman Gill Instagram)

Shubman Gill Income and Networth: जगातील पहिल्या क्रमांकाचा वनडे फलंदाज आणि कसोटी संघाचा कर्णधार शुबमन गिल २६वा वाढदिवस साजरा करतोय. त्याच्या २६व्या वाढदिवशी गिल आशिया चषक २०२५ स्पर्धेसाठी दुबईत आहे. ९ सप्टेंबरपासून सुरू होणाऱ्या या स्पर्धेत भारतीय संघ १० तारखेपासून युएईविरूद्ध सामन्यासह आपल्या मोहिमेला सुरूवात करणार आहे. भारताचा हा कसोटी कर्णधार तब्बल ५० कोटींचा मालक असल्याचं रिपोर्टमध्ये समोर आलंय. गिलच्या कमाईबद्दल सविस्तर जाणून घेऊया.

शुबमन गिल हा मूळचा पंजाब राज्यातील फाजिल्का येथील आहे. शुबमन गिलचे वडील शेतकरी असून लेकाने क्रिकेटपटू व्हावं हे त्यांचं स्वप्न होतं. त्याच्या वडिलांनी शेतात एक भागात खेळपट्टी तयार केली होती, जेणेकरून शुबमन तिथे सराव करू शकेल. शुबमनला गोलंदाजी करण्यासाठी ते गावातील इतर मुलांना बोलवत असतं. जो मुलगा शुबमनला बाद करेल त्याला ते १०० रूपये भेट म्हणून द्यायचे. त्या काळात १०० रूपये मिळणं ही मोठी गोष्ट होती. त्यामुळे गोलंदाजी करणारी मुलदेखील त्याला चांगली गोलंदाजी करत असत आणि गिलचा सरावही चांगला होत असे.

यानंतर पुढे जाऊन क्रिकेटपटू होण्याचं स्वप्न पूर्ण करण्यासाठी गावातून बाहेर पडत शुबमनचे वडील त्याला पंजाब शहरात घेऊन आले आणि तिथे त्याने क्रिकेटचे धडे गिरवले, युवराज सिंगकडून मार्गदर्शन घेतलं. यानंतर क्रिकेटच्या मैदानावर पाऊल ठेवलं.

हेही वाचा

वरण-भात नाहीच, रात्रीचं जेवण फक्त…, रोहित शर्माचा डाएट प्लॅन पाहिलात का? २० किलो वजन घटवण्यासाठी आहारात असा केला बदल

फक्त १०० रूपयांपासून सुरू केलेला हा प्रवास आता ५० कोटींपर्यंत पोहोचला आहे. गिल आता श्रीमंत क्रिकेटपटूंच्या यादीत मोडतो आणि तो सुमारे ५० कोटींचा मालक आहे. शुबमन गिल क्रिकेटसह मैदानाबाहेर मोठी कमाई करतो. गिल २० ब्रँडच्या एंडोर्समेंटमधून बक्कळ कमाई करतो.

हेही वाचाUS Open 2025: विजयाचं अनोखं सेलिब्रेशन! संपूर्ण लॉकर रूमला लावलं प्लास्टिक अन् सबालेन्काच्या टीमने शॅम्पेन उडवत…; VIDEO व्हायरल

View this post on Instagram

A post shared by Ꮪhubman Gill (@shubmangill)

शुबमन गिल क्रिकेटव्यतिरिक्त कुठून कमावतो बक्कळ पैसा?

शुभमन गिलला बीसीसीआयकडून वार्षिक करारातून ५ कोटी मिळतात. तर आयपीएलमध्ये गुजरात टायटन्सकडून १६.५० कोटी रूपये मिळतात. यासह मॅच फी आणि सामन्यातील उत्कृष्ट कामगिरीसाठी मिळणारी कमाई वेगळी आहे. ज्या २० ब्रँड्ससाठी एंडोर्स करतो, त्यामध्ये NIKE, Gillette, CEAT, Casio, Bajaj Allianz Life, Coca Cola, My Circle, Beats by Dre, Oakley, The Sleep Company, Muscle Blaze, ITC Engage, TVS, JBL, Tata Capital, Cinthol, Fiama Men, Wings, Capri Loans, Games 24×7 यांचा समावेश आहे.