भारत आणि न्यूझीलंड संघात वनडे मालिकेतील पहिला सामना बुधवारी हैदराबादमध्ये पार पडला. या सामन्यात भारतीय संघाने प्रथम फलंदाजी करताना निर्धारित ५० षटकांत ८ बाद ३४९ धावा केल्या होत्या. यामध्ये शुबमन गिलच्या द्विशतकाचे योगदान मोलाचे होते. प्रत्युत्तरात न्यूझीलंड संघ ४२.२ षटकांत ३३७ धावांवर गारद झाला. त्यामुळे भारतीय संघाने १२ धावांनी विजय मिळवला. या विजयानंतर टीम इंडियाने शुबमन गिलच्या द्विशतकाचे खास सेलिब्रेशन केले. भारतीय संघाचा युवा फलंदाज शुबमन गिलने द्विशतक झळकावत अनेक दिग्गजाचे विक्रम मोडले. त्याचबरोबर त्याने काही नवीन विक्रमही निर्माण केले. शुबमन गिलने सुरुवातील अवघ्या ८७ चेंडूत आपले शतक झळकावले. त्यानंतर १४९ चेंडूचा सामना करताना २०८ धावांची दमदार खेळी, ज्यामध्ये त्याने १९ चौकार आणि ९ गगनचुंबी षटकार लगावले. गिलने आपले विक्रमी द्विशतक पूर्ण करण्यासाठी लॉकी फर्ग्युसनच्या एकाच षटकात सलग ३ षटकार खेचले. पहिला सामना जिंकल्यानंतर टीम इंडियाने शुबमन गिलच्या द्विशतकाचे केक कापून सेलिब्रेशन केले. केक कापून झाल्यानंतर टीम इंडिया, कोच आणि इतर सर्व सदस्यांनी त्याच्या खेळीचे कौतुक केले. त्याचबरोबर पुढील प्रवासाठी शुभेच्छा दिल्या. तसेच हार्दिक पांड्या, विराट कोहली आणि राहुल द्रविडसह सर्वांनी शुबमन गिलबाबत आपले मनोगत व्यक्त केले. ज्याचा व्हिडिओ सोशल मीडियावर शेअर केला आहे. वनडे क्रिकेटमध्ये द्विशतक झळकावणारा हे पाचवा भारतीय ठरला - https://twitter.com/BCCI/status/1615689637821042689?s=20&t=VaXL54sRNRZoHEPEYoh26Q सचिन तेंडुलकर २००* वि. दक्षिण आफ्रिका २०१०वीरेंद्र सेहवाग २१९ वि. वेस्ट इंडीज २०११रोहित शर्मा २०९ वि. ऑस्ट्रेलिया २०१३रोहित शर्मा २६४ वि. श्रीलंका २०१४रोहित शर्मा २०८* वि. श्रीलंका २०१७इशान किशन २१० वि. बांगलादेश २०२२शुबमन गिल २०८ वि. न्यूझीलंड २०२३ सर्वात जलद १००० धावा पूर्ण करणारा जगातील दुसरा फलंदाज (एकदिवसीय आंतरराष्ट्रीय): https://twitter.com/BCCI/status/1615681062541352960?s=20&t=hrPE4jQfpuOQ0ZgjuQtKfw १. फखर जमान (पाकिस्तान) – १८ डाव२. शुबमन गिल (भारत) – १९ डाव३. इमाम-उल-हक (पाकिस्तान) – १९ डाव४. व्हिव्हियन रिचर्ड्स (वेस्ट इंडिज) – २१ डाव५. केविन पीटरसन (इंग्लंड/आयसीसी) – २१ डाव६. जोनाथन ट्रॉट (इंग्लंड) – २१ डाव७. क्विंटन डिकॉक (दक्षिण आफ्रिका) – २१ डाव८. बाबर आझम (पाकिस्तान) – २१ डाव९. रॅसी व्हॅन डर डुसेन (दक्षिण आफ्रिका) – २१ डाव एकदिवसीय सामन्यात द्विशतक झळकावणारा सर्वात तरुण खेळाडू – एकदिवसीय क्रिकेटमध्ये द्विशतक झळकावणारा शुभमन गिल हा पाचवा फलंदाज ठरला आहे. यापूर्वी रोहित शर्मा (३ वेळा), वीरेंद्र सेहवाग, सचिन तेंडुलकर, इशान किशन यांनी द्विशतके झळकावली आहेत. दरम्यान, द्विशतक झळकावणारा तो सर्वात तरुण फलंदाजही ठरला आहे. त्याने याबाबतीत इशान किशन आणि रोहित शर्माचा विक्रम मोडला. गिलने २३ वर्षे, १३२ दिवसांत, तर इशानने २४ वर्षे, १४५ दिवसांत आणि रोहितने २६ वर्षे, १८६ दिवसांत ही कामगिरी केली.
