Asia Cup 2023: पाकिस्तानचा संघ सध्या चांगला आहे, पण अहमदाबादमध्ये भारताविरुद्ध…, बाबरच्या टीमला सौरव गांगुलीचे आव्हान Sourav Ganguly said it will be difficult for Pakistan to beat India in Ahmedabad in asia cup 2023

Sourav Ganguly's statement: पाकिस्तानचा संघ कितीही बलाढय़ झाला, तरी भारतात आणि अहमदाबादच्या मैदानावर भारताला आव्हान देणे कठीण जाईल, असे मत भारताचा माजी कर्णधार सौरव गांगुलीने व्यक्त केले आहे.

पाकिस्तान टीम आणि सौरव गांगुली (फोटो-संग्रहित छायाचित्र जनसत्ता)

Sourav Ganguly’s statement on India-Pak match: येत्या दोन महिन्यांत भारत आणि पाकिस्तान यांच्यातील क्रिकेटच्या मैदानावर अनेक रोमांचक सामने पाहायला मिळणार आहेत. त्याची सुरुवात २ सप्टेंबरपासून आशिया चषकाने होत आहे. आशिया चषक स्पर्धेत गट स्तरावर चकमक झाल्यानंतर दोन्ही संघ भविष्यात एकमेकांविरुद्ध खेळतील आणि जरी दोघेही आशिया चषक स्पर्धेच्या अंतिम फेरीत पोहोचले नाहीत, तर १४ ऑक्टोबरमध्ये होणाऱ्या विश्वचषक स्पर्धेची सर्वांना प्रतीक्षा असेल.

पाकिस्तान संघ आता मजबूत आहे –

भारताचा माजी कर्णधार सौरव गांगुलीने विश्वचषक स्पर्धेपूर्वी पाकिस्तानला इशारा दिला आहे. गांगुलीने रेव्हस्पोर्ट्शी केलेल्या संभाषणात म्हटले आहे की, पाकिस्तान संघ आता पूर्वीसारखा संघ राहिलेला नाही. माझ्या वेळी भारतीय संघाची पाकिस्तानविरुद्धची आकडेवारी अगदी बरोबर होती, पण गेल्या काही वर्षांत पाकिस्तानचा संघ खूप मजबूत संघ बनला आहे. गेल्या वर्षीच त्यांनी आम्हाला टी-२० विश्वचषकात हरवले होते. पाकिस्तान संघ आता भारताला स्पर्धा देत आहे.

दुबईच्या पराभवानंतर परिस्थिती बदलली-

या संवादात सौरव गांगुली पुढे म्हणाला की, “मी जेव्हा पाकिस्तानविरुद्ध खेळायचो, तेव्हा आमचा पाकिस्तानविरुद्धचा रेकॉर्ड चांगला होता. मी भारत-पाकिस्तान सामना कधीही दबाव म्हणून घेतला नाही. हा सामना मी नेहमी सामान्य सामना म्हणून खेळलो. आपण फक्त मर्यादित षटकांतील क्रिकेट किंवा कसोटी क्रिकेटविरुद्ध क्रिकेट खेळतो या मानसिकतेने मी खेळायचो.” गांगुली पुढे म्हणाला की, गेल्या वर्षी दुबईत पाकिस्तानविरुद्धच्या पराभवानंतर परिस्थिती बदलली असून आता पाकिस्तानी संघात भारताला पराभूत करण्याची ताकद आहे.

हेही वाचा – Asia Cup 2023 स्पर्धेतील संघांच्या जर्सीवरुन यजमानाचे नाव गायब, पाकिस्तानचा माजी कर्णधार पीसीबी आणि एसीसीवर संतापला

भारताला भारतात हरवणे कठीण –

माजी कर्णधार म्हणाला की, “पाकिस्तानी संघ खूप चांगला आहे. पाकिस्तानातून क्रिकेटमध्ये अनेक आश्चर्यकारक खेळाडू उदयास आले हे आश्चर्यकारक आहे, परंतु पाकिस्तानी संघ कितीही बलाढ्य झाला तरी भारताला भारतात आणि अहमदाबादच्या मैदानावर आव्हान देणे कठीण होईल. टीम इंडियाला त्यांच्याच भूमीवर पराभूत करणं पाकिस्तानला खूप कठीण जाईल.” असं सौरव गांगुलीच्या मते, हे काम पाकिस्तान संघाला वाटते तितके सोपे नसेल.

First published on: 01-09-2023 at 18:23 IST

Asia Cup 2023: पाकिस्तानचा संघ सध्या मजबूत, पण अहमदाबादमध्ये भारताविरुद्ध…, बाबरच्या टीमला सौरव गांगुलीचे आव्हान

पाकिस्तान संघ आता मजबूत आहे –

दुबईच्या पराभवानंतर परिस्थिती बदलली-

भारताला भारतात हरवणे कठीण –